Joule

Die joule (J) is 'n energie-eenheid wat gebruik word om alle energie mee te meet. Dit is na die 19de-eeuse wetenskaplike James Prescott Joule vernoem.

Die eenheidsstelling vir energie is[Nota 1]

${\displaystyle E=F\cdot x=m\cdot a\cdot x\ =M\cdot {\frac {L}{T^{2}}}\cdot L={\frac {M\cdot L^{2}}{T^{2}}}}$

waar

E is energie

F is druk

x is afstand

m is massa

M is massa (basiseenhgeid)

L is lengte (basiseenheid)

a is versnelling

t is tyd

T is tyd (basiseenheid)

Dus is die basiseenheidsstelling vir die joule

${\displaystyle {\rm {J=N\cdot m={\frac {kg\cdot m}{s^{2}}}\cdot m={}{\rm {\frac {kg\cdot m^{2}}{s^{2}}}}}}}$

Die joule is 'n betreklik klein energie-eenheid. 'n Huishoudelike gloeilamp van 100 watt gebruik 100 J elektriese energie per sekonde. Die meeste verskaffers van elektrisiteit meet elektriese energie in 'n nie-SI-eenheid, die kilowatt-uur. Dit is gelyk aan 3 600 000 joule. Maar die kilowatt-uur is 'n klein eenheid om die energieverbruik van 'n land mee te meet. 'n Groter eenheid wat hiervoor gebruik word, is die mtce. Dit is die energie wat verkry word uit 'n miljoen ton steenkool en is gelyk aan ongeveer 10 miljard kilowatt-uur. In 1978 was die totale energieverbruik van die Verenigde State 339,8 mtce.