Jonas Bergtheil

Jonas Bergtheil (1819 - 1902) was 'n Natalse pionier, gebore in Beiere, Duitsland vanaf Joodse afkoms. Hy arriveer in 1834 in Kaapstad en begin nege jaar later om katoen in Natal te kweek. Hy was 'n sterk voorstander van immigrasie. Hy organiseer verskeie skemas, eers om koloniste van die Britse Eilande en later uit Duitsland te bring. Uiteindelik slaag hy daarin om in November 1847 'n skip te huur wat 188 mans, vroue en kinders uit Duitsland na Natal te bring. Hulle word gevestig naby Pinetown in die gebied wat nou bekend staan as New Germany.

Hy was grotendeels verantwoordelik vir die bou van die eerste spoorlyn in Suid-Afrika van Durban na die Punt, waarvan hy 'n direkteur word. In 1866 vestig hy hom in Engeland waar hy in 1902 oorlede is.

Bronne

Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
Gordon, Ruth: Die eerste immigrante ... 1848: Die Duitse Nedersetters te New Germany. In: Lantern. Tydskrif vir Kennis en Kultuur. Jaargang 23, nr. 3, Maart 1974.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.