John Surtees

John Surtees MBE (11 Februarie 1934 in Tatsfield – 10 Maart 2017 in Londen) was 'n Britse motorfiets- en renjaer wat die enigste persoon ooit was wat wêreldkampioen (1964) met sowel 'n motorfiets as 'n Formule 1-motor geword het.[1]

John Surtees by die Goodwood Revival in 2011

Renloopbaan
Surtees (links) saam met Mauro Forghieri in 1965

Op die ouderdom van vyftien het Surtees reeds aan 'n syspanwedren deelgeneem waarin sy pa, 'n motorfietshandelaar van Londen, die motorfiets bestuur het. Hulle het die wedren gewen, maar is gediskwalifiseer omdat hy te jonk was.

Van 1952 tot 1960 het hy in 49 Grands Prix met 350- en 500 cc-motorfietse gejaag, 38 keer gewen, insluitend ses keer in die TT Assen, en sewe keer kampioen geword.

In die 113 Formule Een Grands Prix waaraan hy van 1960 tot 1972 deelgeneem het, het hy daarin geslaag om die podium 24 keer te haal, waarvan ses oorwinnings was. In 1964 het hy wêreldkampioen geword in die Ferrari 158 met 'n 1500cc-enjin.

Van 1970 tot 1978 het Surtees sy eie Formule 1-span, Surtees, gehad waarmee hy altesaam 118 keer aan 'n grand prix deelgeneem het. Mike Hailwood en Carlos Pace het elk een keer die podium beklee.

In 2006 was hy steeds aktief in die wedrenwêreld deur sy betrokkenheid by die Britse A1 Grand Prix-span.

John Surtees is in 2017 op die ouderdom van 83 in 'n hospitaal in Londen oorlede.[2]

Verwysings
  1. (en) John Surtees, www.formula1.com, besoek op 28 Maart 2016
  2. (en) John Surtees CBE, 1934 - 2017, Formula1.com, 10 Maart 2017.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.