John Naisbitt
John Naisbitt (gebore 15 Januarie 1929 in Salt Lake City, Utah, sterf 8 April 2021 in Velden am Wörther See, Oostenryk) was 'n Amerikaanse skrywer, futuris en openbare spreker op die gebied van toekomsstudies. Sy eerste boek Megatrends: Ten New Directions Transforming Our Lives is in 1982 gepubliseer. Dit was die gevolg van bykans tien jaar se navorsing. Dit was vir twee jaar op die New York Times se beste verkopers lys, meestal as No 1. Megatrends is in 57 lande gepubliseer en meer as 14 miljoen kopieë verkoop.[1]
John Naisbitt | |
|---|---|
| Gebore | 15 Januarie 1929 Salt Lake City, Utah, Verenigde State |
| Sterf | 8 April 2021 (op 92) Velden am Wörther See, Oostenryk |
| Nasionaliteit |  Verenigde State |
| Beroep | Skrywer |
| Eggenoot | Doris Naisbitt |
Biografie
John Naisbitt het grootgeword in Glenwood, Utah en studeer aan Harvard, Cornell en Utah universiteite. Hy het besigheids ondervinding opgedoen deur vir IBM en Eastman Kodak te werk. In die wêreld van politiek was hy assistent vir die Kommissaris van Onderwys onder President John F. Kennedy en was hy tydens President Lyndon B. Johnson se administrasie as spesiale assistent vir die Verenigde State Department van Gesondheid en Menslike Dienste Sekretaris John Gardner. Hy het Washington DC in 1966 verlaat en by die Science Research Associates aangesluit. In 1968 het hy sy eie maatskappy, die Urban Research Corporation, gestig. Naisbitt stig die Naisbitt China Institute, 'n onafhanklike navorsingsinstansie sonder winsoogmerk, wat die sosiale, kulturele en ekonomiese transformasie van die Volksrepubliek van China aan die Tianjin Universiteit bestudeer. In 2009 het Naisbitt China's Megatrends gepubliseer, 'n boek wat China se opkoms ontleed. Hy was 'n adviseur vir landbou-ontwikkeling aan die koninklike regering van Thailand, voormalige besoekende venoot aan die Harvard Universiteit, besoekende professor aan die Moskouse Staatsuniversiteit, fakulteitslid aan die Nanjing Universiteit in China, 'n vooraanstaande internasionale venoot by die Institute of Strategic and International Studies, Maleisië. (die eerste nie-Asiatiese individu om hierdie posisie te beklee), professor aan die Nankai Universiteit, Tianjin Universiteit van Finansies en Ekonomie, en 'n lid van die raadgewende raad van die Board of the Asia Business School, Tianjin, en is die ontvanger van 15 eredoktorsgrade in die geesteswetenskappe, tegnologie en wetenskap. John Naisbitt en sy vrou Doris het in Wene en Tianjin gewoon.[1]
Invloed
Op futuriste
Naisbitt het 'n groot invloed gehad op die leidende hedendaagse futuriste, soos David Houle en ander.
Op sosiale en politieke denke
Alhoewel Naisbitt nie 'n eksplisiete politieke boek geskryf het nie, het Megatrends vroeë entoesiasme vir radikale sentrumpolitiek uitgespreek. In die boek word in vetdruk aangedui: "Die politieke links en regs is dood, al die aksie word gegenereer deur 'n radikale sentrum." [2]
Bibliografie
- Megatrends: Ten New Directions Transforming Our Lives. Warner Books, 1982
- Reinventing the Corporation: Transforming Your Job and Your Company for the New Information Society. Warner Books, 1985
- Megatrends 2000: Ten New Directions for the 1990s. William & Morrow Company, Inc., 1990
- Global Paradox: The Bigger the World Economy, the More Powerful Its Smallest Players. William Morrow & Company, Inc., 1994
- Megatrends Asia: Eight Asian Megatrends That Are Reshaping Our World. Simon & Schuster, 1996
- High Tech High Touch: Technology and Our Accelerated Search for Meaning. Broadway Books, 1999
- Mind Set!: Reset Your Thinking and See the Future. Collins, 2006.
- China's Megatrends: The 8 Pillars of a New Society. HarperCollins, 2010.
Verwysings
- John Naisbitt biography at personal website.
- Naisbitt, John (1982). Megatrends: Ten New Directions Transforming Our Lives. Warner Books / Warner Communications Company, p. 178. ISBN 978-0-446-35681-7.
Bron
- Hierdie artikel is vertaal vanuit die Engelse Wikipedia
