John Kani

Bonsile John Kani (gebore 1943) is ’n Suid-Afrikaanse akteur, teaterregisseur en dramaturg. Hy is in New Brighton, Suid-Afrika, gebore.

John Kani
'n Beeld van die betrokke persoonlikheid.
Geboortenaam Bonsile John Kani
Geboorte 30 Augustus 1943
New Brighton
Nasionaliteit Suid-Afrika
Beroep(e) Akteur
Internet-rolprentdatabasis-profiel

Kani het in 1965 by The Serpent Players in Port Elizabeth aangesluit en het verskeie toneelstukke help skep wat nooit gepubliseer is nie, maar wel voor groot gehore opgevoer is. Dit is gevolg deur die meer bekende Sizwe Banzi Is Dead en The Island, wat in die vroeë 1970's saam met Athol Fugard en Winston Ntshona geskryf is. Hy het ook ’n benoeming vir ’n Laurence Olivier-prys gekry vir sy rol in My Children My Africa!

Kani se werk is in talle plekke opgevoer, onder andere in New York, waar hy en Winston Ntshona in 1975 ’n Tony-toekenning ontvang het vir Sizwe Banzi Is Dead en The Island. Nothing But the Truth (2002) was sy debuut as alleenskrywer en is eerste in die Markteater in Johannesburg opgevoer. Hy het in 2003 die Fleur du Cap-toekenning ontvang vir beste akteur en beste nuwe Suid-Afrikaanse toneelstuk. In dieselfde jaar het hy ’n spesiale Obie-toekenning in die VSA gekry vir sy bydrae tot die teater.

Van sy ander pryse is ’n SAFTA-toekenning vir sy lewensbydrae, asook die Avanti Hall of Fame-, M-Net- en Clio-toekenning. In 2006 het hy ’n eredoktorsgraad van die Universiteit van Kaapstad ontvang.[1]

Toneelstukke
  • Sizwe Banzi Is Dead (1972, saam met Athol Fugard en Winston Ntshona)
  • The Island (1973, saam met Athol Fugard en Winston Ntshona)
  • Statements After an Arrest Under the Immorality Act (saam met Athol Fugard en Winston Ntshona)
  • My Children My Africa! (akteur)
  • Nothing But the Truth (2002)
  • The Tempest (2008, akteur)

Rolprent en televisie
  • The Wild Geese (1978)
  • Marigolds in August (1980)
  • Killing Heat (1981)
  • The Grass Is Singing (1981)
  • Master Harold … and the Boys (1985, TV)
  • Saturday Night at the Palace (1987)
  • An African Dream (1987)
  • Options (1988)
  • A Dry White Season (1989)
  • Othello (1989, TV)
  • The Native Who Caused All the Trouble (1989)
  • An African Dream (1990)
  • Sarafina! (1992)
  • In Darkest Hollywood: Cinema and Apartheid (1993)
  • Soweto Green (1995)
  • The Ghost and the Darkness (1996)
  • Kap der Rache (1997, TV, Duits)
  • Kini and Adams (1997)
  • The Tichborne Claimant (1998)
  • Final Solution (2001)
  • Hillside (2005–2008, TV-reeks)
  • Nothing but the Truth (2008)
  • Endgame (2009)
  • Coriolanus (2011)

Verwysings
  1. "Honorary doctorates for June graduation". Electronic Monday Paper. Universiteit van Kaapstad. 12 Junie 2006. Besoek op 7 Augustus 2006.[dooie skakel] Vol 25 No 14

Hierdie artikel is vertaal vanuit die Engelse Wikipedia

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.