Joezjni-eiland
Joezjni-eiland (Russies: Южный остров, letterlik: "Suideiland"), die wêreld se 41ste grootste eiland en die derde grootste eiland van Rusland na Sachalin en Sewerni-eiland, beslaan 'n oppervlakte van 33 275 km². Dit is die sesde grootste eiland van Europa na Groot-Brittanje, Ysland, Ierland, Spitsbergen en Sewerni-eiland. Die eiland is in die noorde van Rusland in die Arktiese Oseaan geleë en behoort administratief tot die Archangelsk-oblast van die Noordwestelike Federale Distrik. Joezjni-eiland grens in die weste aan die Barentssee, in die suidweste aan die Petsjorasee en in die ooste aan die Karasee. Joezjni-eiland is die suidelike van Nowaja Zemlja se twee eilande en net noord is Sewerni-eiland, die "Noordeiland", geleë. Hulle word geskei deur 'n smal seestraat van 2–3 km wat Matotsjkin Sjar genoem word. Verder suid sluit die Russiese vasteland aan. Die eiland is onbewoon en die landskap is veral deur toendra gekenmerk.
| Joezjni-eiland Inheemse naam: Южный остров | |
|---|---|
 Nasa-Satellietbeeld van Joezjni-eiland | |
| Geografie | |
| Ligging | Noord-Rusland, Arktiese Oseaan |
| Koördinate | 71°45′N 54°00′O |
| Argipel | Nowaja Zemlja
|
| Oppervlakte | 33 275 vk km |
| Administrasie | |
 Rusland | |
| Federale distrik | Noordwestelike |
| Oblast |  Archangelsk
|
| Demografie | |
| Bevolking | 0
|
| Die wêreld se 41ste grootste eiland en die derde grootste eiland van Rusland | |
Joezjni-eiland is voorheen deur Nenetse bevolk, maar voor die Sowjetse kerntoetse is die hele bevolking ontruim.