Joert

'n Joert is 'n tradisionele ronde tent wat hoofsaaklik gebruik word vir bewoning deur nomades, wat skape, bokke, kamele en/of perde aanhou, en wat in die koue, droë steppestreke van Sentraal-Asië woon.[1] Joerts word ook gesien aan die buitewyke van stede in Mongolië en in meer bergagtige gebiede in Kirgisië.

Kirgisiese gesin by 'n joert naby die Issyk Kul-meer.

Die woord "joert" is afgelei van die Russiese joerta en joert word ook die meeste buite Rusland gebruik, omdat die Russe in die verlede baie Sentraal-Asiatiese gebiede regeer het. Die Russe het die woord uit 'n Turkse taal geleen. Voorheen is die joert in Russies kibitka genoem.

Plaaslike name isː

Die woord joert in moderne Turks is meer sinoniem met "tuisland" as met die tent.

Die woord 'horde' vir swerwende (krygs)volke, soos die Goue Horde, is afgelei van die woord orda vir die tentkampe wat met joerts gebou is.[2]

Verwysings
  1. Kingsley, Patrick; Levene, David (5 Januarie 2017). "Nomads no more: why Mongolian herders are moving to the city". The Guardian (in Engels). Besoek op 12 Desember 2022.
  2. 'horde' bij etymologiebank.nl
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.