Jo Black

Jo Black (gebore Januarie 1982) is 'n Afrikaanse sanger van Pretoria.[2] Jo het in Pretoria-Noord grootgeword en na skool in die konstruksiebedryf begin werk. Daarna begin hy sy eie inisiatief met die naam Be That Guy / Be That Girl, 'n beweging wat kinders help bou aan 'n positiewe houding, waarna hy sy musiekloopbaan begin.[3]

Jo Black
GeboortenaamJo Usher Engelbrecht[1]
GeboreJanuarie 1982
OorsprongSuid-Afrika
GenresAfrikaanse pop
Beroep(e)Sanger
InstrumenteStem, kitaar
Jare aktief2016 - nou
EtiketteInhoud Huis, Flagship Productions

Sy eerste enkelsnit Skepe word in Desember 2016 op YouTube vrygestel en bereik binne die eerste 5 maande 1 022 000 YouTube trefslae. Sy debuutalbum Skepe is op 31 Maart 2017 vrygestel.[4]

Be That Guy-braai

Jo Black het die "'Be That Guy Braai" in Montana, Pretoria begin, "om hoop en inspirasie vir die manne te gee". Die "Be That Guy-braai"-konsep het versprei en word nou op Vrydae-oggende landwyd gehou.[5]

Persoonlike lewe

Black ondergaan in September 2018 'n nekoperasie nadat twee van sy nekwerwels gedisintegreer het. Sy stembande was in gedrang en dokters het aanbeveel dat 'n operasie dringend uitgevoer word. Die operasie is op Sondag, 9 September 2018 suksesvol uitgevoer, en al Black se geskeduleerde optredes in September 2018 is gekanselleer.

Verwysings
  1. "Jo Black Bio" (in Engels). inhoudhuis.co.za. Geargiveer vanaf die oorspronklike op 23 Julie 2017. Besoek op 30 Junie 2017.
  2. "Wie is Jo Black?, deur Fanie Cronjé". sarie.com. Geargiveer vanaf die oorspronklike op 5 September 2017. Besoek op 30 Junie 2017.
  3. "Jo Black: 'n Nuwe naam om dop te hou op die Afrikaanse musiektoneel". afrmusieknuus.co.za. Geargiveer vanaf die oorspronklike op 2 Oktober 2018. Besoek op 30 Junie 2017.
  4. "Skepe, Jo Black, Afrikaans, 31 Mar 2017". itunes.apple.com. Geargiveer vanaf die oorspronklike op 2 Oktober 2018. Besoek op 30 Junie 2017.
  5. "Jo Black onderhoud op Die Groot Ontbyt, 5 Apr 2017 (sien 14:08)" (in Engels). YouTube. Geargiveer vanaf die oorspronklike op 27 April 2020. Besoek op 30 Junie 2017.

Bronne

Eksterne skakels

Musiekvideo's
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.