Jesuïet

Die Jesuïete (Societas Jesu) is 'n Roomskatolieke orde wat in 1540 deur die Baskiese edelman Ignatius van Loyola gestig is. Die huidige pous Fransiscus behoort tot hierdie orde.

Ignatius

Soos ander relgieuse ordes lê die lede 'n gelofte van armoede, kuisheid en gehoorsaamheid af en predik hulle en verleen die sakramente. Hulle reis ook soos ander ordes na ander lande as missionarisse. 'n Belangrike verskil met ander ordes is dat hulle omtrent 10 jaar na hulle stigting begin het om lekestudente te onderrig. Dit het geen ander orde voor hulle gedoen nie. Hulle het ook digters, astronome, argitekte, antropoloë en ondernemers in die toneelwêreld geword.[1]

Tydlyn
  • 1491 - Geboorte van Ignatius van Loyola
  • 1521 - Slag van Pamplona. Ignatius raak gewond en dit begin sy bekering.
  • 1534 - Ignatius en ses ander studente van die Universiteit van Parys lê die gelofte af om na Jerusalem te gaan
  • 1540 - Amptelike goedkeuring van die Societas Jesu deur pous Paulus III
  • 1542 - Francis Xavier kom in Indië aan.
  • 1547 - Portugese Jesuïete bereik Brasilië
  • 1548 - Jesuïete open hulle skool in Messina, Italië
  • 1556 - Ignatius sterf in Rome
  • 1558 - Die Eerste Algemene Kongregasie keur die Konstitusies goed. Diego Laínez word Igantius se opvolger
  • 1583 - Die Jesuïete Matteo Ricci en Michele Ruggieri bereik China
  • 1614 - Jesuïete en ander missionarisse word uit Japan geban. Die Monita Secreta word gepubliseer
  • 1622 - Ignatius en Xavier word gekanoniseer.
  • 1704 - Pous Clemens XI veroordeel die Chinese Rites.
  • 1754 - Die oorlog van die sewe reduksies breek uit.
  • 1759 - Die Jesuïete word uit Portugal en sy kolonieë verdryf
  • 1764 - Die Jesuïete in Frankryk word deur Lodewyk XV onderdruk
  • 1767 - Die Jesuïete word in Spanje en sy kolonieë onderdruk en hulle besittings in beslag geneem
  • 1773 - Pous Clemens XIV onderdruk die orde wêreldwyd in Dominus ac Redemptor.
  • 1801 - Pous Pius VII erken die bestaan van die orde in Rusland, Catholicae fidei.
  • 1814 - Pius VII herstel die orde wêreldwyd in Sollicitudo omnium ecclesiarum.
  • 2013 - Die Jesuïet Jorge Mario Bergoglio word as pous Franciskus die eerste Jesuïete-pous.

Verwysings
  1. The Jesuits: A History from Ignatius to the Present John W. O'Malley Rowman & Littlefield, 2014, ISBN 1442234768, ISBN 9781442234765
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.