Jascha Heifetz

Jascha Heifetz (/ˈhaɪfɪts/; 2 Februarie [O.S. 20 Januarie] 1901 – 10 Desember 1987) was 'n Joods-Amerikaanse violis.[1] Baie beskou hom as die grootste violis van alle tye. Hy is gebore in Vilnius, en het as tiener na die Verenigde State van Amerika getrek, waar sy Carnegie Hall debuut met welbehae ontvang was. Hy was 'n virtuoos sedert sy kinderdae, en Fritz Kreisler het by die aanhoor van Heifetz se debuut gesê: "Ons kan net sowel ons viole neem en dit oor ons knieë breek."[2]

Jascha Heifetz
Heifetz circa 1920
Gebore(1901-02-02)2 Februarie 1901
Vilna, Russiese Ryk (nou Litoue)
Sterf10 Desember 1987 (op 86)
Los Angeles, Kalifornië, VSA
WebwerfSjabloon:Amptelike weblad

Hy het 'n lang en suksesvolle loopbaan as speler gehad, alhoewel hy na 'n besering aan sy regterarm (sy speelarm) na onderrig oorgeskakel het.[3][4][5][6]

Hy het later in sy lewe 'n toegewyde onderwyser en strydros van sosio-politieke bewegings geword. Hy het in die openbaar vir die nommer '911' as 'n noodnommer bepleit, en veldtogte gelei vir skoon lug.

Hy en sy studente by die Universiteit van Suid-Kalifornië (USK) het in die verband onder meer geprotesteer en kapsie gemaak deur die dra van gasmaskers in die openbaar, en in 1967 het hy sy Renault passasiersmotor omgeskakel na 'n elektriese motor.[7]

Verwysings
  1. "Jascha Heifetz Is Dead at 86. A Virtuoso Since Childhood". The New York Times. 12 Desember 1987. Opgespoor op 25 Oktober 2014.
  2. Nikolaus de Palezieux, Jascha Heifetz – The Supreme (2000 RCA Victor compilation)
  3. Kennedy, Michael and Joyce Bourne. The Concise Oxford Dictionary of Music, Oxford University Press, 2004. bl. 331
  4. "The Best Violinists", time.com, 2 Februarie 1962.
  5. Wallechinsky, David and Amy Wallace. The New Book of Lists. Canongate, 2005. bl. 94.
  6. Rosen, Peter. "God's Fiddler". Peter Rosen Productions. Opgespoor op 26 Mei 2011.
  7. http://jaschaheifetz.com


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.