Jan Blohm

Blohm is op 25 September 1978 as George Harry (Jorrie) Kymdell in Kroonstad gebore en het op ouderdom sewe begin met musiek- en klavierlesse. Ná skool het hy by die Suid-Afrikaanse Lugmag aangesluit waar hy opleiding in radiokommunikasie ontvang het en daar homself leer kitaar speel het. Ná vyf jaar in die lugmag het hy 'n loopbaan by 'n inligtingstegnologiemaatskappy begin.

Tussen 1998 en 2003 was hy lid van verskeie rockorkeste, by name Demigods, Ledd Eye en Duin 7. In 2002 het hy voltyds sanger en klankingenieur geword. In 2003 begin hy as solo-kunstenaar optree en konsentreer op Afrikaanse musiek. Sy debuutalbum, Melkstraat Confessions, is in 2004 bekendgestel. Twee van sy liedjies is op die versamelalbum Volk Jou Ook deur Wildebeest Records opgeneem (onder die naam George Harry) en talle van sy liedjies is op ongeveer 27 ander versamelalbums te vinde.

Deesdae tree hulle op as die Jan Blohm-orkes. Die res van sy groep bestaan uit Herman Kruger op tromme, Charl Broodryk op ritmekitaar en Ashley Hilton Jacobs op baskitaar.

Blohm se debuutalbum, Melkstraat Confessions, het in 2004 verskyn.

In 2005 is hy te midde van sterk kompetisie met drie GMT-toekennings bekroon (die GMT is 'n SABC 2-inisiatief en word as die belangrikste seremonie vir die Afrikaanse musiekbedryf beskou):

• Album van die Jaar vir sy debuut Melkstraat Confessions
• Liedjie van die Jaar vir "Breyten se Brief" vanaf dieselfde album
• Beste Nuweling van die Jaar

Blohm is in 2005 deur Frans Marx genader om 'n hoofrol in 'n Afrikaanse dramareeks vir kykNET en M-Net “Dit wat stom is” te speel. Blohm het ook die titelmusiek, “Dromer”, vir die reeks geskryf en gekomponeer.

In Oktober 2005 het die Blohm die Huisgenoot Tempo-toekenning vir “Beste rockgroep” ontvang.

Blohm se tweede album, ‘n Stille Runaway, is in Januarie 2006 opgeneem en al die liedjies is deur homself geskryf en gekomponeer. “Dromer”, die titelmusiek vir die dramareeks “Dit wat stom is”, is ook op hierdie album te vinde. Ag maande later het Blohm se volgende album, Groen Trui, verskyn. Die titelsnit was deel van die kykNET-reeks Orion se klankbaan.

In Oktober 2007 het Blohm weer twee Huisgenoot Tempo-toekennings ingepalm: "Gunsteling rockkunstenaar" en "Gunsteling rockalbum".

In Mei 2009 het Blohm se 4de album, 7 Jaar, verskyn. Dis as't ware 'n dagboek van die nuwe fase waarin hy hom bevind. Die vrystelling bevat tien snitte en is krities positief ontvang. Tydens die 2010 SAMA-toekennings word die album aangewys as die beste Afrikaanse rockalbum.[2]

In Mei 2011 loots Blohm en mede-musici 'n platemaatskappy genaamd Blomhuis Rekords. Die eerste album wat Blomhuis uitgee is Spoorloos van Eckard Potgieter, die gewese platebaas van Wildebeest Rekords, wat Blohm se debuut album (Melkstraat Confessions) uitgegee het.

• Melkstraat Confessions (2004)
• ’n Stille Runaway (2006)
• Groen Trui (2006)
• Jan Blohm Live at the Performer Theater DVD (2006)
• 7 Jaar (2009)
• Die Runaway Sessions (2010)
• Lotus Live DVD (2011)
• Die Liefde Album (2018)
• Jenny (2020)

• Lys van Suid-Afrikaanse musikale kunstenaars

• Amptelike webtuiste van Jan Blohm (af)
• Inligting oor Jan Blom op roekeloos.co.za Geargiveer 1 November 2007 op Wayback Machine
• ATKV se webwerf Geargiveer 26 September 2006 op Wayback Machine
• Groentrui op YouTube