James Hadley Chase

James Hadley Chase (24 Desember 1906 – 6 Februarie 1985)[1] was 'n Engelse skrywer. Terwyl sy geboortenaam René Lodge Brabazon Raymond was, was hy bekend onder sy verskillende skuilname, waaronder James Hadley Chase, James L. Docherty, Raymond Marshall, R. Raymond en Ambrose Grant. Hy was een van die bekendste rillerskrywers van alle tye. Die kanon van Chase, bestaande uit 96 titels, het hom 'n reputasie besorg as die koning van rillerskrywers in Europa.[2] Hy was ook een van die internasionaal topverkoperskrywers, en tot op hede is 50 van sy boeke in films gemaak. [3]

Lewensloop

Chase is gebore as die seun van 'n weermagoffisier, het in Kent grootgeword. Hy het op 18-jarige ouderdom die huis verlaat en daarna verskillende werke gehad. Gedurende die Tweede Wêreldoorlog dien hy in die Britse Lugmag. In 1932 trou Chase met Sylvia Ray, en hulle het 'n seun gehad. Nadat hy James M. Cain se The Postman Always Rings Twice gelees het, het Chase in 1939 sy eerste boek, No Orchids For Miss Blandish, geskryf oor 'n ontvoerde erfgenaam wat permanent in 'n waas is, mishandel deur die persoon wat haar aanhou. Dit het 'n wêreldwye topverkoper geword.

Chase het voortgegaan om 96 ander romans te skryf, die meeste van hulle rillers, wat meestal in die rampokker-milieu van die Verenigde State afspeel. Chase het as Engelsman sy kennis oor daardie Amerikaanse wêreld hoofsaaklik uit boeke gekry. Baie van Chase se romans is in films gemaak.

In 1956 verhuis hulle na Frankryk. In 1969 verhuis hulle na Switserland en leef 'n afgesonderde lewe in Corseaux-sur-Vevey, aan die Meer van Genève. Chase is op 6 Februarie 1985 daar oorlede.

Verwysings
  1. Obituary Variety 13 Februarie 1985
  2. Frank Northen Magill (1988). Critical survey of mystery and detective fiction. Salem Press. p. 319. ISBN 0-89356-486-9.
  3. Publishers' Association, Booksellers Association of Great Britain and Ireland (1982). The Bookseller. J. Whitaker. p. 46.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.