Jacob Maré

Jacob Maré was een van drie broers, Voortrekkers, wat vanuit Natal na Transvaal verhuis het. Hy het deelgeneem aan die Slag van Bloedrivier. Sy kleinneefs Dietlof Siegfried Maré, 'n landdros van Soutpansberg (Pietersburg), en Frederik Korsten Maré, albei seuns van Paul Maré, het hoë ampte in die ZAR beklee. Jacob Maré was 'n lid van die Uitvoerende Raad van die Zuid-Afrikaansche Republiek en was ook bekend as Jors Voeter omdat hy so kwaai kon spook om sy mening deur te druk.[1]

Jacob Phillipus Maré
Gebore1823
Nuweveld, Beaufort
Sterf2 November 1900 (op 77)
Middelburg, ZAR
NasionaliteitVlag van Suid-Afrika Suid-Afrika
BeroepVolksraadslid
Bekend virStraatnaam in Ou-Pretoria is na hom genoem.
EggenootHelena Johanna Strydom (1858); Cornelia S.J. Erasmus (1859); Johanna Catharina Schabort (weduwee Bosman) (1875)
GeloofNG, NH
Die Transvaalse Volksraad 1885. Maré se portret is in die middel onder dié van pres. S.J.P. Kruger.

Sarie Marais

Sy dogter Sarie was die Sarie Maré (die drukkersduiwel het die van se spelling na Marais verander) wat deur J.P. Toerien in die bekende liedjie Sarie Marais besing word.[1]

Straatnaam genoem na hom

Jacob Maréstraat in Pretoria is na hom genoem, en in 2012 is dié straatnaam deur die regering van die dag na Jeff Masemolastraat verander.[2]

Jacob Philippus, die oudste seun uit Maré se derde huwelik, was een van die vyf studente of oudstudente van die Teologiese Skool Burgersdorp wat in die Tweede Vryheidsoorlog gesneuwel het.

Verwysings
  2. "ShowMe: Pretoria's new street names" (PDF). Besoek op 14 Mei 2016.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.