Jack Cope

Robert Knox ″Jack″ Cope (1913–1991) was 'n Suid-Afrikaanse skrywer van romans, kortverhale en gedigte, asook ’n redakteur. Hy is bekend vir die romantiese verhouding wat hy in die vroeë 1960’s met die Suid-Afrikaanse digteres Ingrid Jonker gehad het. Van 1960 af het hy ’n 20 jaar lange verbintenis met die tweetalige literêre tydskrif Contrast gehandhaaf. Hy het agt romans geskryf (onder meer The Fair House, The Golden Oriole, Albino en The Rain-Maker), asook drie digbundels en verskeie kortverhaalbundels (insluitende The Tame Ox, The Man Who Doubted and Other Stories en Alley Cat and Other Stories).[1] In 1971 het hy die Central News Agency-prys vir Letterkunde vir The Rain-Maker ontvang.

Jack Cope
Geboortenaam Robert Knox Cope
Geboorte 3 Junie 1913
Mooirivier, Natal
Sterfte 1 Mei 1991
Stevenage, Hertfordshire
Nasionaliteit Suid-Afrika
Beroep Skrywer, digter, redakteur
Bekend vir Ingrid Jonker se minnaar
Eerbewyse CNA-prys

Lewensloop

Robert Knox Cope is op 3 Junie 1913 in Mooirivier in die destydse Natal gebore en is tuis onderrig. Van 12 studeer hy aan die Durban Hoërskool en word daarna 'n joernalis vir die Natal Mercury en toe 'n politieke korrespondent vir Suid-Afrikaanse koerante in Londen. Met die uitbreek van die Tweede Wêreldoorlog keer hy na Suid-Afrika terug. Hy trek na Kaapstad waar hy van 1941 tot 1955 vir The Guardian in verskeie hoedanighede werk, insluitend as kulturele kritikus en 'n algemene redakteur.[2]

In 1942 trou hy met die kunstenaar Lesley de Villiers. Hulle is in 1958 uit mekaar en skei in die vroeë 1960's. Hulle het twee seuns, Raymond (1948–1977) en Michael (gebore 1952) gehad.

Cope is op 1 Mei 1991 in Stevenage, Hertfordshire oorlede.

Bibliografie

Van sy werke sluit in:

  • Marie: A South African Satire (1948)
  • The Golden Oriole (1958)
  • The Road To Ysterberg: A Novel (1959)
  • The Penguin Book Of South African Verse (Co-editor) (1968)
  • The Dawn Comes Twice (1969)
  • The Rain-Maker (1971)
  • The Africa We Knew (1973)
  • Lacking A Label (1974)
  • My Son Max (1977)
  • Notes Recorded in Sun (1979)
  • The Adversary Within: Dissident Writers In Afrikaans (1982)

Sien ook

Verwysings
  1. HAT Taal-en-feitegids, Pearson, Desember 2013, ISBN 978-1-77578-243-8
  2. Jack Cope, britannica.com, besoek op 25 Julie 2017
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.