Perd (astrologie)
Die Perd (Chinees: 馬) is die sewende dier in die twaalfjaarlikse siklus van die Chinese astrologie, volgens die Chinese kalender. Dit hou ook verband met Oos-Asiatiese diereriem- en kalenderstelsels. Die Jaar van die Perd word verbind met die Aardse taksimbool 午.
Beskrywing
Volgens een legende is daar ’n rede vir die volgorde van die twaalf diere in die twaalfjaarsiklus. Daarvolgens is ’n resies oor ’n groot rivier gehou en die volgorde van die diere in die siklus is die volgorde waarin hulle die resies voltooi het. In dié verhaal maak die Slang op daarvoor dat hy nie ’n vinnige swemmer is nie deur skelmpies op die Perd se hoef te ry. Toe die Perd op die punt was om die eindstreep oor te steek, het die Slang afgespring – dit het die Perd laat skrik en die Slang het hom geklop om die sesde plek. Die Perd was dus sewende.
Die Chinese tekens word ook die diereriem genoem omdat geglo word ’n mens se persoonlikheid word deur die dier beïnvloed wat oor jou geboortedatum heers. Net so word die jaar waaroor ’n spesifieke dier heers, daardeur gekenmerk. Die invloed is veral sterk by mense wat in die jaar van die dier gebore is.
Dieselfde twaalf diere word gebruik om die siklus van ure in ’n dag te simboliseer – elk word verbind met ’n tydperk van twee uur. Die tydperk van die Perd is van 11:00 tot 13:00 – die tyd wanneer die Son hoog sit en ander diere lê en rus, maar perde bly staan.
In Chinese simbologie word Perde beskou as goedhartig, eerlik en verdraagsaam, maar ook kooplustig en hulle gooi maklik die handdoek in.
Jare en die Vyf Elemente
Mense wat binne dié datums gebore is, is in die Jaar van die Perd gebore, met ook die volgende elementêre teken:[1]
| Begindatum | Einddatum | Hemelse tak |
|---|---|---|
| 30 Januarie 1930 | 16 Februarie 1931 | Metaalperd |
| 15 Februarie 1942 | 4 Februarie 1943 | Waterperd |
| 3 Februarie 1954 | 23 Januarie 1955 | Houtperd |
| 21 Januarie 1966 | 8 Februarie 1967 | Vuurperd |
| 7 Februarie 1978 | 27 Januarie 1979 | Aardperd |
| 27 Januarie 1990 | 13 Februarie 1991 | Metaalperd |
| 12 Februarie 2002 | 31 Januarie 2003 | Waterperd |
| 31 Januarie 2014 | 18 Februarie 2015 | Houtperd |
| 17 Februarie 2026 | 5 Februarie 2027 | Vuurperd |
| 4 Februarie 2038 | 23 Januarie 2039 | Aardperd |
Perde en hul maats
| Teken | Beste maats | Gemiddelde maats | Slegte maats |
| Perd | Perd, Hond, Tier | Vark, Konyn, Bok, Slang, Haan, os, Draak, Aap | Rot |
Basiese astrologiese elemente
| Aardse tak van geboortejaar | Wu |
| Die Vyf Elemente | Vuur |
| Jin/jang | Jang |
| Maanmaand | 5de |
| Gelukkige nommers | 1, 4, 5, 7, 9; vermy: 2, 3, 6 |
| Gelukkige blomme | Sonneblom, jasmyn |
| Gelukkige kleure | Goud, geel, rooi, blou; vermy: pienk, bruin, wit |
| Seisoen | Somer |
| Naaste Westerse teken | Tweeling |
Sien ook
Verwysings
- "Chinese Zodiac – Horse" (in Engels). Your Chinese Astrology. Geargiveer vanaf die oorspronklike op 23 Mei 2020. Besoek op 25 Augustus 2018.
Eksterne skakels
Wikimedia Commons het meer media in die kategorie Perd (astrologie).
Hierdie artikel is vertaal uit die Engelse Wikipedia
| Vorige teken ← Slang (巳) |
Perd (午) | Volgende teken Bok (未) → |