Jaap Bekker

Hendrik (Jaap) Petrus Jordaan Bekker (11 Februarie 1925, Dordrecht – 6 Augustus 1999, Pretoria) was 'n Springbokrugbyspeler wat Suid-Afrika in vyftien toetse verteenwoordig het. Hy het sy eerste toets op 5 Januarie 1952 teen Engeland gespeel. Sy laaste toets was op 1 September 1956 teen die All Blacks.[1]

Jaap Bekker Rugbyportaal
Volle naam Hendrik Petrus Jordaan Bekker
Geboortedatum 11 Februarie 1925
Geboorteplek Dordrecht, Suid-Afrika
Sterftedatum 6 Augustus 1999 (op 74)
Sterfteplek Pretoria, Suid-Afrika
Eggenote Anna Gezina Bekker (Ann Bekker)
Kinders Annemarie Lombard, Hanene Reeders, Leoni Vinnicombe, Eugenie Strydom
Rugbyloopbaan
Loopbaan as speler
Posisie(s) Stut
Amateurspanne
Jare Klub / span Weds (pte)
Harlequins
Provinsiale- / Staatspanne
Jare Klub / span Weds (pte)
Noord-Transvaal
Nasionale span(ne)
Jare Land Weds (pte)
1952–1956 Vlag van Suid-Afrika Suid-Afrika 15 (3)

In 1956 het Bekker en sy spanmaat Chris Koch die All Blacks in die eerste twee toetse flenters geskrum. Die Nieu-Seelandse bokskampioen Kevin Skinner is vir die derde toets ingeroep. Hy het ongestraf van die een kant van die skrum na die ander kant gewissel. Ná 'n uiters vuil wedstryd het dit gelyk of Bekker uit 'n bokskryt klim. Die Nieu-Seelandse pers dié optrede goedgepraat onder die verskoning dat die Springbokvoorry op hul plek gesit is.[2]

Familie

Bekker se broers en hul suster het Suid-Afrika almal op die sportveld verteenwoordig; Dolf en Martiens Bekker het soos Jaap vir die Springbokke uitgedraf. Op sy beurt het Daan Bekker as bokser by die Olimpiese Spele in 1956 in Melbourne ’n bronsmedalje in die swaargewig-afdeling gewen en dit in 1960 in Rome met ’n silwermedalje opgevolg. Hul suster, Corrie Lategan, het Suid-Afrika op die atletiekbaan in diskusgooi en gewigstoot verteenwoordig.

Verwysings
  1. Nóg een van oudste Bokke dood Beeld 18 Junie 2012
  2. Kevin Skinner se vuiste raak stil Geargiveer 3 Oktober 2018 op Wayback Machine, Maroela Media, 21 Julie 2014

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.