Intyds

'n Bewerking binne 'n groter dinamiese stelsel word 'n intydse bewerking genoem as die gekombineerde reaksie- en bewerkingstyd van 'n taak korter is as die maksimum toelaatbare vertraging ten opsigte van die omstandighede buite die bewerking. Die taak moet dan ook uitgevoer word voordat die stelsel wat beheer word, onstabiel word. 'n Intydse bewerking is nie noodwendig vinnig nie, aangesien stadige stelsels stadige intydse bewerkings kan toelaat. Dit is van toepassing op alle tipes dinamies veranderende stelsels. Die teenoorgestelde van 'n intydse bewerking is 'n bondelverwerking met interaktiewe tydverdeling wat iewers tussen die twee uiterstes val.

'n Tipiese voorbeeld kan die rekenaarbeheerde remstelsel in 'n kar wees. As die bestuurder 'n kar kan stop voordat dit 'n muur tref, word die werking as intyds beskou; as die kar die muur tref dan was dit natuurlik nie so nie. Baie masjiene vereis intydse beheerders om onstabiliteit te vermy, wat kan lei tot ongelukskade of vernietiging van die stelsel, mense of voorwerpe.

Sommige intydse stelsels het nie so 'n beperking op vertraging nie, solank die invoerdata vinnig genoeg verwerk kan word sodat geen opeenhoping plaasvind nie. In 'n intydse digitale seinverwerkingstelsel kan die geanaliseerde (inset) of gegenereerde (uitset) monsters (of hulle nou saam gegroepeer word of indiwidueel verwerk word) verwerk (of gegenereer) word op 'n deurlopende basis in die tyd wat dit neem om die in- en/of uitset van dieselfde stel monsters te verrig onafhanklik van die verwerkingsvertraging. Beskou 'n oudio DSV as voorbeeld: as 'n proses 2.01 sekondes neem om 2.00 sekondes se klank te verwerk of te analiseer, dan is die bewerking nie intyds nie. As dit 1.99 sekondes neem dan is dit (of kan dit verander word in) 'n intydse DSV (digitale seinverwerkingsproses).

'n Alledaagse voorbeeld hiervan is een waar 'n mens in 'n tou staan by die kassier van 'n supermark. As die tou asimptoties langer en langer word sonder einde dan is die betaalproses nie intyds nie. As die lengte van die tou beperk word, word kliënte verwerk en uitgelaat (uitset) net so vinnig as wat hulle agter die tou inkom (inset) en kan die proses as intyds beskryf word. Die bestuurder kan in die geval sy besigheid kwyt wees of baie klandisie verloor as hy nie sy betaalproses intyds kan maak nie (dit is dus fundamenteel belangrik dat die proses intyds is).

In die ekonomie is intydse stelsels basies inligtingstegnologieë, wat intydse toegang tot inligting of data verskaf. Die vermoë van 'n maatskappy om sy data intyds te verwerk verhoog die mededingendheid van die maatskappy. Intydse verwerkingstelsels is nuwe tegnologieë en word verwag om verder te verbeter in die komende dekades.