Interstellêre medium

Interstellêre medium of ISM is die materiaal wat bestaan tussen groepe sterre in ’n sterrestelsel. Dit sluit in gas, stof en kosmiese strale.

Die verspreiding van geïoniseerde waterstof, bekend as H II, in die Melkweg se interstellêre medium soos van die Noordelike Halfrond gesien deur die Wisconsin Hα Mapper[1]

Die ISM is in alle fases uiters versprei in vergelyking met standaarde op Aarde. In koel, digte gebiede kan die digtheid tot 106 molekules per cm3 wees. In warm, verspreide gebiede is materiaal meestal geïoniseer en kan die digtheid so laag as 10−4 ions per cm3 wees. Vergelyk daarmee die digtheid van rofweg 1022 molekules per cm3 vir vloeibare water. Wat massa betref, is 99% van die interstellêre medium gas en 1% stof.[2] In die gas is 89% van atome waterstof, 9% helium en 2% ander elemente, wat in sterrekunde metale genoem word.

In astrofisika speel die ISM ’n uiters belangrike rol. Sterre vorm in die digste streke van die ISM, molekulêre wolke, en vul die ISM aan met materiaal en energie deur planetêre newels, sterwinde en supernovas. Hierdie interaksie tussen sterre en die ISM help die tempo bepaal waarteen ’n sterrestelsel sy gasinhoud opgebruik, en dus hoe lank hy stervorming kan volhou.

ISM-tabel

Dié tabel wys die komponente van die Melkweg se interstellêre medium.

Samestelling van die interstellêre medium[3]
KomponentPers. van
volume		Temperatuur
(kelvin)		Digtheid
(atome/cm3)		Toestand van waterstof
Molekulêre wolke< 1%10-20102-106molekulêr
Koue neutrale medium1-5%50-10020-50neutraal atomies
Warm neutrale medium10-20%6 000-10 0000,2-0,5neutraal atomies
Warm geïoniseerde medium20-50%8 0000,2-0,5geïoniseer
H II-gebiede< 1%8 000102-104geïoniseer
Baie warm geïoniseerde medium30-70%106-10710−4-10−2geïoniseer
(metale ook hoogs geïoniseer)

Verwysings
  1. Haffner, L.M.; Reynolds, R.J.; Tufte, S.L.; Madsen, G.J.; Jaehnig, K.P.; Percival, J.W. (2003), "The Wisconsin Hα Mapper Northern Sky Survey", Astrophysical Journal Supplement 145 (2): 405, arXiv:astro-ph/0309117,Bibcode 2003ApJS..149..405H, doi:10.1086/378850.
  2. Boulanger, F.; Cox, P.; and Jones, A.P. (2000). "Course 7: Dust in the Interstellar Medium". F. Casoli, J. Lequeux, & F. David Infrared Space Astronomy, Today and Tomorrow: 251.
  3. Ferriere, K. (2001), "The Interstellar Environment of our Galaxy", Reviews of Modern Physics 73 (4): 1031–1066, doi:10.1103/RevModPhys.73.1031, Bibcode: 2001RvMP...73.1031F

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.