Asiatiese Suid-Afrikaners

Asiatiese Suid-Afrikaners bevat die mense en volke van Asiatiese afkoms wat tans in Suid-Afrika woon. Dit verwys hoofsaaklik na Asiatiese Indiërs maar dit is moontlik dat die term ook na die groeiende Chinese bevolking of die klein Iranse-gemeenskap van Suid-Afrika verwys.

Asiatiese Suid-Afrikane
Navinathem PillayHashim AmlaPravin GordhanEbrahim Patel
Navi Pillay · Hashim Amla · Pravin Gordhan · Ebrahim Patel
Totale bevolking: 1 274 867 (2011; geskat)[1]
2,5% van Suid-Afrika se bevolking
Belangrike bevolkings  in: Suid-Afrika
Hoofsaaklik: Durban, Pietermaritzburg, Johannesburg, Kaapstad
Taal: Engels, Afrikaans, Hindoestaans, Tamil, Telugu, Gujarati, Bengaals, Marathi
Geloofsoortuiging: Boeddhiste, Christene, Hindoes en Moslems
Verwante etniese groepe: Asiate, Desi en Britse Asiate
Verspreiding van Asiatiese Suid-Afrikaners in Suid-Afrika:
██ 0–20% ██ 20–40% ██ 40–60% ██ 60–80% ██ 80–100%
Bevolkingsdigtheid van Asiatiese Suid-Afrikaners in Suid-Afrika:
██ <1 /km² ██ 1–3 /km² ██ 3–10 /km² ██ 10–30 /km² ██ 30–100 /km² ██ 100–300 /km² ██ 300–1000 /km² ██ 1000–3000 /km² ██ >3000 /km²

Herkoms

Kaapkolonie

Die Nederlanders wat nedersettings in die Kaap van Goeie Hoop gestig het, het slawe van Indië (hoofsaaklik van die Bengale) bekom.[2] Dit is welbekend dat die Nederlanders 'n goeie verhouding met die Moslem-regeerders van Indië gehad het. Baie lede van hierdie slaafbevolking is later as Kleurlinge en Kaapse Maleiers geklassifiseer.[3] Dis ook moontlik dat party van die blanke Afrikaners ook van Bengaalse afkoms is[2] – Die voormalige staatspresident van Suid-Afrika, Frederik Willem de Klerk, het selfs verklaar dat hy 'n Bengaalse voorouer met die naam Diana van Bengale gehad het.[4]

Kontrakarbeiders en passasier-Indiërs

Die meerderheid van die Suid-Afrikaanse Indiërbevolking bevat die afstammelinge van kontrakarbeiders wat deur die Britte gekontrakteer was om op die suikerrietplantasies van Natal te werk.[5][6] Dié kontrakarbeiders het hoofsaakelik van die Suidelike state van Indië (Madras, ens.) gekom.[5][7][8]

Die res van die Suid-Afrikaanse Indiërbevolking is vrywillige entrepreneurs wat hoofsaaklik Moslems van die Indiese staat Gujarat (Memons en Surtis) was.[9] Daar is ook minderhede van Moslem Oerdoe-sprekende entrepreneurs van Uttar Pradesh wat na Suid-Afrika geëmigreer het.[10] Hulle, saam met die Kaapse Maleierbevolking het 'n belangrike rol in die vestiging van die Islam in Suid-Afrika gespeel.

Diskriminasie
Sien ook: Mahatma Gandhi

In die ou Suid-Afrika is in verskeie opsigte teen Indiërs gediskrimineer.

Volgens die Groepsgebiedewet, is Indiërs na spesiale Indiërtownships verskuif waar hulle beweging beperk is. Hulle is onder andere toegang tot die hele Oranje-Vrystaat verbied.

Tydens die P. W. Botha-administrasie het Indiërs parlementêre verteenwoordiging in die driekamerparlement verkry.

Huldige toestand

Baie Indiërs het 'n belangrike rol in die stryd teen apartheid gespeel en beklee deesdae invloedryke poste in die regerende African National Congress-party. Amichand Rajbansi, die politikus wat die Indiërbevolking in die P. W. Botha-administrasie se driekamerparlement verteenwoordig het, het die Minority Front gestig. Maar na Rajbansi se afsterwe het sy party se ondersteuners vinnig gekwyn.

Alle Asiatiese Suid-Afrikaners kwalifiseer vir Swart Ekonomiese Bemagtiging, maar daar is nog steeds kommer dat hulle nie genoegsame voordeel daaruit trek nie.[11][12]

Verwysings
  1. "Statistical Release P0302: Mid-year population estimates, 2011" (PDF) (in Engels). Statistics South Africa. 27 Julie 2011. p. 3. Geargiveer (PDF) vanaf die oorspronklike op 18 Januarie 2020. Besoek op 1 Augustus 2011.
  2. "INDIAN SLAVES IN SOUTH AFRICA". Geargiveer vanaf die oorspronklike op 20 Maart 2008. Besoek op 24 November 2011.
  3. "From bondage to freedom – The 150th anniversary of the arrival of Indian workers in South Africa" (in Engels). Geargiveer vanaf die oorspronklike op 8 September 2011. Besoek op 24 November 2011.
  4. FW de Klerk Reveals Colourful Ancestry
  5. "Timeline" (in Engels). Geargiveer vanaf die oorspronklike op 6 Junie 2011. Besoek op 24 November 2011.
  6. "Indentured Labour and India" (in Engels). Geargiveer vanaf die oorspronklike op 5 Mei 2006. Besoek op 24 November 2011.
  7. "A History of Indian Settlement in KwaZulu-Natal". Kzn.org.za. Geargiveer vanaf die oorspronklike op 30 Desember 2011. Besoek op 6 November 2011.
  8. The South African Indian with Reference to the Tamils Geargiveer 28 Julie 2011 op Wayback Machine Tamil Federation of KwaZulu-Natal
  9. http://www.natalia.org.za/Files/38/Natalia%2038%20pp27-37%20C.pdf
  10. "The Beginnings of Protest, 1860–1923 | South African History Online" (in Engels). Sahistory.org.za. 6 Oktober 2011. Geargiveer vanaf die oorspronklike op 7 Junie 2011. Besoek op 6 November 2011.
  11. http://www.iol.co.za/mercury/sa-indians-need-not-apologise-1.1520135#.Vl27kPmSwbg
  12. "argiefkopie" (PDF). Geargiveer vanaf die oorspronklike (PDF) op 15 Junie 2011. Besoek op 1 Desember 2015.
Etniese groepe in Suid-Afrika

Afrikaners • Anglo-Afrikane • Asiate • Griekwas • Kaapse Maleiers • Khoisan • Kleurlinge • Ndebeles • Noord-Sotho's • Suid-Sotho's • Swazi's • Tsongas • Tswanas • Vendas • Xhosas • Zoeloes

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.