Impi

Impi is 'n Zoeloewoord vir 'n gewapende groep mans. Die woord impi word partykeer gebruik om 'n regiment van Zoeloe-krygers te beskryf, maar die eintlike Zoeloewoord daarvoor is ibutho.[1] Die begin van die impi's lê in die historiese oorlogvoering van die verskeie stamme in Suidoos-Afrika opgesluit, toe groepe van gewapende mans (wat "impi's" genoem is), teen mekaar baklei het.

Die impi was 'n militêre formasie wat die gesig van Suider-, Oos- en Sentraal-Afrika verander het. Die hoogste ontwikkeling het onder Shaka, die inisieerder van verskeie belangrike wapens en taktieke, plaasgevind.[1]

Hulle is radikaal deur Shaka herorganiseer, wat toe nog net die buite-egtelike seun van koning Senzangakona was. Teen hierdie tyd het Shaka homself reeds as 'n briljante militêre leier bewys. Hy het onder andere in die Mthethwa-Ndwandwe-oorlog in die vroeë 1800's as 'n generaal onder die Mthethwa-koning, Dingiswayo gedien.[2]

Die "buffelhoringformasie" van die Zoeloeleër. (1) Die vyand (2) die horings (3) die borskas (4) die lende

Verwysings
  1. Morris, Donald. 'The Washing of the Spears,' Touchstone, 1965.
  2. Brookes, Edgar H; Webb, Colin de B. (1965). A History of Natal. Brooklyn: University of Natal Press. ISBN 0-86980-579-7.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.