Mopaniemot

'n Mopaniemot is 'n vlinder, Imbrasia belina, wat in Suidelike Afrika voorkom, en behoort tot die familie van Saturniidae.[1] Die larwe van hierdie mot is eetbaar in sy ruspestadium[2] en word 'n mopaniewurm genoem.

Mopaniemot
'n Mopaniemot in die Krugerwildtuin
'n Mopaniewurm op 'n mopanieboom
Wetenskaplike klassifikasie
Koninkryk:
Animalia
Filum:
Arthropoda
Klas:
Insecta
Orde:
Lepidoptera
Familie:
Saturniidae
Genus:
Gonimbrasia
Spesie:
G. belina
Binomiale naam
Gonimbrasia belina
Westwood, 1849

Volksname

Verspreiding

Imbrasia belina kom in Angola, Botswana, Kameroen, Demokratiese Republiek van die Kongo, Eritrea, Ethiopië, Kenia, Mosambiek, Namibië, Suid-Afrika, Tanzanië, Tsjad, Uganda, Zambië en Zimbabwe voor.[3] Dit word oor die algemeen aangetref waar mopaniebome (Colophospermum mopane) voorkom, maar is nie heeltemal beperk tot die verspreiding van hierdie bome nie.[1]

Habitat

Semi-woestyn, bosveld en grasveld met 'n hoë konsentrasie van mopanieveld.

Voorkoms

Volwasse motte het 'n vlerkspan van 120 mm. Die kleur van die vlerke wissel van bruin tot groen en bruin tot rooi. Daar is groot oranje oogkolle op die agtervlerke, omring deur swart en wit ringe, en kleiner oogkolle op die voorvlerke. Die larwes (ruspes) is groot, tot ongeveer 100 mm lank en ongeveer 10 mm in deursnee. Hulle is swart met rooierige, geel en witterige bande en het kort rooi of swart stekels wat met fyn wit hare bedek is.[1]

Sien ook

Verwysings
  1. "Mopane worm" (in Engels). SANBI. Geargiveer vanaf die oorspronklike op 6 Augustus 2017. Besoek op 26 April 2017.
  2. "Mopane worm utilisation and rural livelihoods in Southern Africa" (PDF). Center for International Forestry Research. Besoek op 26 April 2017.
  3. "Gonimbrasia belina (Westwood, 1894)". African Moths. Geargiveer vanaf die oorspronklike op 2 September 2019. Besoek op 26 April 2017.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.