Ibrahim al-Jaafari

Ibrahim al-Eshaiker al-Jaafari (Arabies: إبراهيم الأشيقر الجعفري‎; gebore 25 Maart 1947) is 'n Irakse politikus wat van 2005 tot 2006 eerste minister van Irak in die Irakse oorgangsregering was, na die verkiesing in Januarie 2005. Hy was van 2014–2018 Minister van Buitelandse Sake.

Hy was een van die twee vise-presidente van Irak onder die Irakse tussentydse regering van 2004 tot 2005, en hy was die hoofwoordvoerder van die Islamitiese Dawa-party. Hy het sy nominasie vir premierskap vir die permanente regering onttrek omdat hy met sommige van die Koerdiese leiers nie saamgestem het oor die beveiliging van Kirkuk as deel van Irak nie. Lede van sy eie groep, die Verenigde Irakse alliansie, het 'n sameswering met die Soennitiese en Koerdiese politici wat pres. George W. Bush en die Britse premier Tony Blair onder druk geplaas het om al-Jafari te oortuig om sy nominasie te onttrek. Al-Jafari het enige buitelandse inmenging in Irakse politiek geweier en het die Verenigde Irakse alliansie in plaas daarvan die keuse gegee om te besluit wie hulle wil hê, of dit nou hy of 'n ander politieke figuur as premier is.