Ian Player

Dr. Ian Player (15 Maart 1927 - 30 November 2014) was 'n Suid-Afrikaanse natuurbewaarder en die broer van die gholflegende Gary Player. Hy is bekend as die persoon wat die witrenosters in die 1950’s in KwaZulu-Natal van uitsterwing gered het. Player het op verskeie parkerade, insluitend SANParke, gedien. Hy het ook 'n aantal bewaringsorganisasies op die been gebring en 'n paar boeke geskryf.[1]

Ian Player
Ian Player en prins Bernhard van Lippe-Biesterfeld (1981)
Gebore
Ian Cedric Audley Player

15 Maart 1927
Johannesburg
Sterf30 November 2014
Karkloof-vallei, KwaZulu-Natal
NasionaliteitSuid-Afrika
BeroepNatuurbewaarder
Bekend virWen eerste Dusi
EggenootAnn Player
KindersKenneth, Amyas, Jessica
Webwerfhttp://ianplayer.com/

Player was die eerste wenner van die Dusi-kanowedvaart in 1951. Agt deelnemers het hieraan deelgeneem. Slegs Player kon die Dusi binne 6 dae voltooi. Dit was ten spyte daarvan dat ‘n nagadder hom vroeër gebyt het. Die kano wat hy gebruik het was van hout en borduurgaas gemaak en het 30 kilogram geweeg. Dit het natuurlik al sy voorraad vir die tog ingesluit.

Beknopte biografie

Ian Cedric Audley Player is op 15 Maart 1927 in Johannesburg gebore. Hy is by die St. John's College opgevoed, waarna hy in die SAW se 6de Suid-Afrikaanse Pantserdivisie gedien het, wat van 1944 tot 1946 aan die Amerikaanse 5de Leër in Italië verbonde was.

Player het sy loopbaan as wildbewaarder in 1952 by die Natalse Parkeraad begin. Hier het hy hom op die bewaring van laaste suidelike witrenosters toegespits.

Hy het twee eredoktorsgrade ontvang:

Hy is op 30 November 2014 na 'n kort siekbed in die Karkloof-vallei, KwaZulu-Natal oorlede. Hy laat sy vrou, Ann Player, twee seuns, Kenneth en Amyas, en een dogter, Jessica, agter.[3]

Werke

Van die boeke wat hy geskryf het:

  • Men, Rivers and Canoes, 1964, ISBN 978-0-9802501-2-1
  • White Rhino Saga, 1972, ISBN 978-0-00-211938-2
  • Big Game, 1972, ASIN: B0007BO5E4
  • Man and the Wilderness, 1986, ASIN: B0007BQ0FG
  • Zululand Wilderness: Shadow and Soul, 1997, ISBN 978-0-86486-340-9

Verwysings
  1. Natuurbewaarder Ian Player oorlede, Maroela Media, 30 November 2014
  2. Walters, Paul (2003). "CITATION by the Rhodes University Public Orator, Professor Paul Walters" (doc). Rhodes University. Besoek op 30 Junie 2007.[dooie skakel]
  3. RIP Ian Player Geargiveer 20 Desember 2014 op Wayback Machine, besoek op 30 November 2014
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.