ITIS

ITIS (afkorting vir Integrated Taxonomic Information System) is 'n internasionale databasis wat poog om 'n konsekwente en betroubare taksonomie van alle biologiese spesies daar te stel. Dit word as 'n gesaghebbende bron van spesies diere, plante, fungi en mikrobes beskou.

ITIS se kenteken

ITIS is in 1996 as 'n vennootskap tussen die Amerikaanse ministerie van Ekonomiese Sake en die Smithsonian Instituut gestig. Sedertdien het dit tot 'n internasionale organisasie gegroei waaraan die Kanadese en Meksikaanse owerhede ook deelneem. Hulle fokus hoofsaaklik op die Noord-Amerikaanse spesies, maar probeer om die geografiese gebied waaroor hulle navorsing doen verder uit te brei.

Katalogus van lewe

ITIS en sy vennote werk saam aan die Katalogus van lewe (Engels: Catalogue of Life), 'n omvattende aanlyn katalogus van lewende wesens. Hierdie katalogus is in Junie 2000 op die been gebring. Op 24 Oktober 2011 het die databasis reeds die name van 1 370 276 spesies uit 101 databasisse bevat[1]

Deelnemende organisasies
  • United States Department of Agriculture
  • National Oceanic and Atmospheric Administration
  • United States Geological Survey
  • Smithsonian Institution
  • United States Environmental Protection Agency
  • National Biological Information Infrastructure
  • Agriculture and Agri-Food Canada
  • NatureServe
  • National Park Service
  • Comisión Nacional para el Conocimiento y Uso de la Biodiversidad (CONABIO)

Verwysings
  1. (en) One Million Species Catalogue of Life launch – University of Reading, 29 Maart 2007[dooie skakel]

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.