Hyundai Epsilon-enjin

Die Hyundai Epsilon-enjin is 'n reeks van drie- en viersilinder petrolenjins gebou deur die Hyundai Kia Motorgroep vir hul motoraanwendings.

G4HA

Die G4HA is 'n viersilinderenjin van 0.8 L (798 cc) met 'n boorwydte van 63 mm en slag van 64 mm. Sy kraglewering is 40 kW teen 6000 opm en behaal 'n wringkrag van 70 N·m teen 4800 opm.

G4HC

Die G4HC is 'n viersilinderenjin van 1.0 L (999 cc) met 'n groter 66 mm boorwydte en 73 mm slag. Kraglewering is 43 kW teen 5700 opm, maar wringkrag is heelwat verbeter tot 110 N·m teen 3000 opm. Die enjin word gebruik in Hyundai se klein luikrug, die Hyundai Atos.

G4HG

Die G4HG is 'n viersilinder met 3 kleppe per silinder, 'n 1.1 L (1086 cc) weergawe met 'n boorwydte van 67 mm en 'n slag van 77 mm. Kraglewering is 48 kW teen 5500 opm en 97 N·m wringkrag teen 2800 opm.[1] Die enjin word gebruik in Hyundai se nuwer Santro Xing motors asook die Kia Picanto.

G3HG

Die G3HG is 'n driesilinder, 9 klep enkelbo-nokas, 0.8 L (814 cc) weergawe met 'n boorwydte van 67 mm en slag van 77 mm. Kraglewering is 41 kW teen 5500 opm en 75 N·m wringkrag teen 4000 rpm.[2] Die enjin word gebruik in Hyundai se nuwe klein luikrug, die Hyundai Eon. Soos die naam aandui is hierdie G3HG enjin niks anders as 'n G4HG enjin met een minder silinder, hoofsaaklik ontwerp vir beter brandstofdoeltreffendheid.

Sien ook

Verwysings
  1. "argiefkopie". Geargiveer vanaf die oorspronklike op 26 April 2012. Besoek op 8 Oktober 2015.
  2. "argiefkopie" (PDF). Geargiveer vanaf die oorspronklike (PDF) op 12 Augustus 2012. Besoek op 8 Oktober 2015.


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.