Huilboom

Die Huilboom (Peltophorum africanum) is 'n struik of 'n boom wat tot middelgroot kan word.[2] Die boom is dikwels twee- of driestammig by die basis vertak. Dit verkies bosryke grasveld en vleirande om op te groei. Die boom het varingagtige steunblare van ongeveer 10 mm lank aan die basisse van die blaarstele op die jong lote. Die blomme bestaan uit heldergeel blomtakkies van tot 15 cm lank. Dit dra ook peule van sowat 10 x 2 cm wat vir maande aan die boom bly. In Engels staan die boom bekend as African weeping wattle.[2] Die boom se FSA-nommer is 215.[3]

Huilboom
Huilboom naby Soutpan-krater
Wetenskaplike klassifikasie edit
Domein: Eukaryota
Koninkryk: Plantae
Klade: Tracheofiete
Klade: Angiospermae
Klade: Eudicots
Klade: Rosids
Orde: Fabales
Familie: Fabaceae
Genus: Peltophorum
Spesie:
P. africanum
Binomiale naam
Peltophorum africanum
Sond., (1850)
Sinonieme
  • Baryxylum africanum (Sond.) Pierre
  • Brasilettia africana (Sond.) Kuntze

Verspreiding

Die spesie is inheems in Angola, Botswana, Demokratiese Republiek die Kongo, Eswatini, Malawi, Mosambiek, Namibië, Zambië en Zimbabwe. In Suid-Afrika kom die spesie in Gauteng, KwaZulu-Natal, Limpopo, Mpumalanga en Noordwes voor.

Reënboom
Ptyelus grossus-skuimbesies

Hierdie boom is een van die bome wat in Afrika as reënbome bekendstaan. In die lentemaande drup daar soms water van dié bome se takke. Die verskynsel word veroorsaak deur 'n klein insek wat die skuimbesie Ptyelus grossus genoem word. Onvolwasse skuimbesies pak saam op die jong lote en verkry hul voedsel deur die sap te suig. Terwyl hul sap inneem, skei die insekte suiwer water af wat die reën of gehuil veroorsaak.

Fotogalery
  • Blomknoppe
    Blomknoppe
  • Loof en bloeiwyses
    Loof en bloeiwyses
  • Blomme
    Blomme
  • Droë peule
    Droë peule
  • Peule en sade
    Peule en sade
  • Hout
    Hout

Sien ook

Verwysings
  1. https://apiv3.iucnredlist.org/api/v3/taxonredirect/47608213
  2. Van Wyk, Piet (2008). Field guide to the TREES of the Kruger National Park. Kaapstad: Struik. p. 89. ISBN 978-1-77007-759-1.
  3. https://www.treetags.co.za/national-list-of-indigenous-trees/

Bronne
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.