Huide en velle

Huide en velle is neweprodukte van veeboerdery en die jagbedryf en vorm ‘n belangrike Suid-Afrikaanse uitvoerproduk.

Huide word verkry van beeste. Velle word egter verkry van kleinvee soos skape, bokke, kalwers en wildsbokke. By kalfsvelle is daar ook sekere gewigsgrense afhangende van die proses waarop die vel gelooi is om sag en buigsaam te wees. ‘n Kalfsvel wat nat en sout gebrei is, en oor die 5kg wees is ‘n huid. Maar ‘n kalfsvel wat droog en sout gebrei is en oor die 3 kg weeg, word ook ‘n huid genoem.

Prys en kwaliteit van huide en velle hang direk saam. Die hooffaktore wat dit beïnvloed is die sporadiese droogtes, siektes, plantegroei, bosluise, doringdraad, horings, brandmerke en die gehalte van die voorbereiding van die leer. Verskeie van hierdie faktore kan uitgeskakel word deur bosluisbeheer, onthoring van die vee en die aanbring van brandmerke op minder duur dele van die vel. Ook speel die slordige afslag van die dier en swak voorbereidng van die leer ‘n rol.