Hugh Masekela

Hugh Ramopolo Masekela (* 4 April 1939, Witbank, Suid-Afrika – 23 Januarie 2018) was 'n Suid-Afrikaanse trompet-, beuel- en kornetspeler asook 'n komponis en sanger. Masekela was bekend vir sy jazz komposisies, veral sy anti-apartheidsliedjies soos "Soweto Blues" en "Bring Him Back Home".

Hugh Masekela
Hugh Masekela in 2007
Agtergrondinligting
GeboortenaamHugh Ramopolo Masekela
Gebore(1939-04-04)4 April 1939
Witbank, Suid-Afrika
Sterf23 Januarie 2018 (op 78) [1][2][3]
Johannesburg, Suid-Afrika
Beroep(e)Musikant, komponis, sanger
InstrumenteTrompet, beuel, kornet
Webwerfhttps://www.hughmasekela.co.za/

Vroeë lewe

Masekela is gebore in KwaGuqa Township, Witbank, Suid-Afrika. Masekela het op die ouderdom van 14 trompet begin speel, op 'n trompet van Louis Armstrong wat aan hom geskenk is deur die Aartsbiskop Trevor Huddleston. Tesame met ander jong vriende het hy die Huddleston Jazz Band gestig.

Studentejare

Aan die einde van 1959 het Masekela, tesame met Abdullah Ibrahim (toe nog bekend as Dollar Brand), Kippie Moeketsi, Makhaya Ntshoko, en Johnny Gertze 'n groep by die naam van die Jazz Epistles gevorm, wat die eerste Afrika-groep was om 'n langspeelplaat in Suid-Afrika op te neem. Na die Sharpeville-slagting het Masekela egter besluit om Suid-Afrika te verlaat. Met die hulp van vriende soos Huddleston, die violis Yehudi Menuhin en John Dankworth het Masekela dit reggekry om in te skryf as student by die Londense Guildhall School of Music. Na 'n besoek aan Amerika is hy egter vinnig bevriend met Harry Belafonte en het hy 'n beurs gewen om in New York aan die Manhattan School of Music te studeer.

In 1964 het Masekela met die Suid-Afrikaanse sangeres Miriam Makeba getrou. Hulle is twee jaar later geskei.

Beelde
  • Hugh Masekela in 2007
    Hugh Masekela in 2007
  • Hugh Masekela in 2009
    Hugh Masekela in 2009
  • Hugh Masekela en Larry Willis (2016)
    Hugh Masekela en Larry Willis (2016)
  • Hugh Masekela (2013)
    Hugh Masekela (2013)

Verwysings
  1. (af) Legendariese SA Musikant Sterf
  2. "Jazz trumpeter Hugh Masekela dies". BBC News (in Engels (VK)). 2018. Geargiveer vanaf die oorspronklike op 11 Augustus 2019. Besoek op 23 Januarie 2018.
  3. (en) channel24.co.za: South Africa Says Goodbye to Hugh Masekela

Sien ook

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.