Huberta

Huberta was bekend as die swerwende seekoei. Sy het in 1926 haar tog van 800 km begin vanuit die strandmeer by St. Lucia en suidwaarts gestap. Sy is agtervolg deur nuuskieriges en fotograwe. Baie mense het haar gevoer en die Johannesburgse Dieretuin het ook probeer om haar te vang. Van die stories van haar tog is dat sy een nag op 'n brug aan die slaap geraak het totdat 'n motoris haar met die kar se buffer gestoot en sy weggestorm het. Sy het ook in Durban en Pinetown rondgedwaal. In 1930 het sy Oos-Londen bereik. Hier het sy op 'n keer op die spoorlyn aan die slaap geraak en die masjinis moes haar liggies met die lokomotief van die spoor afstoot. Drie jagters het haar doodgeskiet terwyl sy in die Keiskammarivier gebad het. Haar oorskot word in King William's Town bewaar.

Die uitstalling in die Amathole-museum op King William's Town gewy aan Huberta.

Huberta se verhaal, soos te sien in die Amathole-museum.