Horing van Afrika

Die Horing van Afrika (Somalies: Geeska Afrika, Oromo: Gaaffaa Afriikaa, Amharies: የአፍሪካ ቀንድ? yäafrika qänd, Arabies: القرن الأفريقي‎ al-qarn al-'afrīqī, Tigrinya: ቀርኒ ኣፍሪቃ), ook Somaliese Skiereiland genoem, is 'n skiereiland en die verste oostelike punt van die vasteland van Afrika, waar die Rooisee in die Indiese Oseaan (Golf van Aden) uitmond. Die term word ook gebruik vir die aangrensende gebied. In die gebied is die lande Ethiopië, Somalië, Eritrea en Djiboeti geleë.[1][2][3][4]

Nasa-Satellietbeeld van die Horing van Afrika
Kaart van die Horing van Afrika

Teenoor die Horing van Afrika is die Arabiese Skiereiland en aan die Horing se kus is die eiland Sokotra geleë wat aan Jemen behoort. In die ooste is die Arabiese See geleë wat 'n deel van die Indiese Oseaan vorm.

Belangrike inheemse tale in hierdie streek sluit in: Somalies, Amharies, Tigrinya, Afar, Oromo en Arabies.

Verwysings
  1. Robert Stock, Africa South of the Sahara, Second Edition: A Geographical Interpretation, (The Guilford Press: 2004), bl. 26
  2. Michael Hodd, East Africa Handbook, 7th Edition, (Passport Books: 2002), bl. 21
  3. Encyclopædia Britannica, inc, Jacob E. Safra, The New Encyclopaedia Britannica, (Encyclopædia Britannica: 2002), bl. 61
  4. Sandra Fullerton Joireman, Institutional Change in the Horn of Africa, (Universal-Publishers: 1997), bl. 1

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.