Hiperoniem
'n Hiperoniem is 'n woord wat verwys na 'n superklas of groter afdeling van 'n nouer/ meer spesifieke klas. As voorbeeld: "groente" is 'n hiperoniem (naam van superklas) van die onderklasse "blomkool", "wortels", "kool" en "boontjies".
Die term kom vanuit Grieks: ὑπέρ 'huper' en ὄνομα 'onoma'. Die woorddeel "hiper-" beteken "bo" en "-oniem" beteken "naam" of "benaming".
Hiperonieme word dikwels in woordeboeke aangetref. Byvoorbeeld:
- Vuurwapen: 'n Pistool is 'n vuurwapen wat...
- Vuurwapen: 'n Rewolwer is 'n vuurwapen wat...
- Voertuig: 'n Trein is 'n voertuig wat...
- Voertuig: 'n Fiets is 'n voertuig wat...
Die teenoorgestelde van 'n hiperoniem is 'n hiponiem.
Eksterne skakels
Wikiwoordeboek het 'n inskrywing vir hiperoniem.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.