Hilary Swank

Hilary Ann Swank (gebore op 30 Julie 1974) is ’n Amerikaanse aktrise en rolprentvervaardiger. Sy het twee Oscars en drie Golden Globes vir beste aktrise gewen en in 2007 ’n ster op die Hollywood Walk of Fame gekry.

Hilary Swank
'n Beeld van die betrokke persoonlikheid.
Swank in 2013.
Geboortenaam Hilary Ann Swank
Geboorte 30 Julie 1974 (1974-07-30)
Lincoln, Nebraska, Verenigde State
Nasionaliteit Amerikaans
Beroep(e) Aktrise
Aktiewe jare 1990-tans

Loopbaan

Swank het haar rolprentdebuut in ’n klein rol in Buffy the Vampire Slayer gemaak voordat sy haar deurbraakrol in 1994 in die vierde prent van die The Karate Kid-franchise, The Next Karate Kid, gemaak het. Op televisie was sy een van die hoofakteurs in seisoen 8 van Beverly Hills, 90210 (1997-1998).[1] Swank het groot lof gekry vir haar spel as Brandon Teena in die onafhanklike biografieprent Boys Don't Cry (1999), waarvoor sy ’n Oscar en ’n Golden Globe gewen het. Haar ander Oscar en Golden Globe was vir die rol van ’n vroulike bokser in Clint Eastwood se 2004-sportdrama Million Dollar Baby.[2]

Ander rolle was in onder meer The Gift (2000), Insomnia (2002), Iron Jawed Angels (2004), waarvoor sy weer vir ’n Golden Globe benoem is, Red Dust (2004) The Reaping (2007), P.S. I Love You (2007), Freedom Writers (2007) en The Homesman (2014).

Verwysings
  1. "Interview" (in Engels). Inside the Actors Studio. 2009. Geargiveer vanaf die oorspronklike op 22 Januarie 2016.
  2. Rebecca Leung (2 Maart 2005). "Hilary Swank: Oscar Gold – 60 Minutes" (in Engels). CBS News. Geargiveer vanaf die oorspronklike op 20 Januarie 2013. Besoek op 9 September 2010.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.