Highveld
Highveld is 'n voorstad in Centurion, Suid-Afrika. Dit is 'n relatief jong buurt en is in 1995 op grond wat vantevore aan Denel behoort het ontwikkel. Dit is in verskeie uitbreidings verdeel. Uitbreiding 7 is byvoorbeeld die Centurion-gholflandgoed.
Highveld | |
|---|---|
  Highveld Highveld se ligging in Gauteng | |
| Koördinate: 25°46′S 28°12′O | |
| Land |  Suid-Afrika |
| Provinsie | Gauteng |
| Munisipaliteit | Stad Tshwane |
| Stigting | 1995 |
| Oppervlak | |
| • Totaal | 2,39 km2 (0,92 vk. myl) |
| Bevolking (2011)[1] | |
| • Totaal | 8 240 |
| • Digtheid | 3 448/km2 (8 930/vk. myl) |
| Rasverdeling (2011) | |
| • Wit mense | 60.0% |
| • Indiërs/Asiërs | 6.6% |
| • Bruin mense | 2.5% |
| • Swart mense | 30.6% |
| • Ander | 0.3% |
| Taal (2011) | |
| • Afrikaans | 47.0% |
| • Engels | 27.9% |
| • Tswana/Sotho | 8.4% |
| • Zoeloe | 12.5% |
| • Ander | 21.8% |
| Poskode (strate) | 0169 |
| Skakelkode | 012 |
Vervoer
Highveld is sentraal tussen Pretoria en Midrand geleë en bied vinnige toegang tot die N1 nasionale pad en die Ben Schoeman-hoofweg. Die R21-hoofweg na die O.R. Tambo Internasionale Lughawe kan via Nellmapius-rylaan bereik word.
Busroetes van en na die nabygeleë Gautrein-stasie bedien die area.
Ondernemings
Highveld Techno Park is 'n sakepark in die woonbuurt. Verskeie groot maatskappye soos Siemens en Telkom het kantore hier.
Die Highveld-winkelsentrum bestaan uit 'n supermark, apteek, poskantoor, kitskosrestaurant en ander winkels.
'n Kampus van die Damelin-kollege en die Luton Valley-voëlreservaat (hoek van John Vorster- en Nellmapius-rylane) kan ook hier gevind word.
Eksterne skakels
- Luton Valley-voëlreservaat[dooie skakel]
Verwysings
- "Subplek Highveld". Sensus 2011.
.svg.png.webp)