Hidjra

Die hidjra (Arabies: الهجرة) was die reis van die profeet Mohammed en sy volgelinge van Mekka na Medina.[1][2] Die jaar waarin die hidjra plaasgevind het, word ook geïdentifiseer as die tydperk van die maanhidjri en sonhidjri; die datum stem ooreen met 16 Julie 622 van die Juliaanse kalender. Die Arabiese woord hidjra beteken onder meer "vertrek" of "migrasie". In Middeleeuse Latyn is dit ook as hegira getranslitereer.

Beskrywing

In die vroeë dae van Mohammed se preke van Islam het sy volgelinge sy naaste familie en vriende ingesluit. Ná die verspreiding van sy godsdiens het verskeie uitdagings Mohammed en sy klein groep Moslems in die gesig gestaar, insluitend 'n boikot van Mohammed se clan, marteling, moord en ander vorme van godsdienstige vervolging deur die inwoners van Mekka. Teen die einde van die dekade is Aboe Talib, Mohammed se oom wat hom te midde van die leiers van Mekka ondersteun het, dood. Eindelik het die leiers van Mekka gelas dat Mohammed deur 11 mans met swaarde tereggestel word.[3]

In Mei 622, ná samespreking met leiers van Medina, het Mohammed in die geheim van sy huis in Mekka gevlug en na Media getrek saam met sy vriend, skoonpa en metgesel Aboe Bakr.[4] Mohammed is in Medina verwelkom en die stad is hernoem van Yathrib na Al Madinah Al Munawwarah (Arabies: المدينة المنورة‎, "Die Verligte Stad"), algemeen vereenvoudig as Medina (Arabies: المدينة, "Die Stad").[5]

Verwysings
  1. Shaikh, Fazlur Rehman (2001). Chronology of Prophetic Events. London: Ta-Ha Publishers Ltd. pp. 51–52.
  2. Marom, Roy (Fall 2017). "Approaches to the Research of Early Islam: The Hijrah in Western Historiography". Jamma'a. 23: vii.
  3. Mubarakpuri, Safiur Rahman (6 Oktober 2020). The Sealed Nectar (Ar-Raheeq Al-makhtum): Biography of the Noble Prophet Muhammad -Peace Be Upon Him- (in Engels). Independently Published. ISBN 979-8-6941-4592-3.
  4. Moojan Momen (1985), An Introduction to Shi'i Islam: History and Doctrines of Twelver Shi'ism, Yale University Press, New edition 1987, p. 5.
  5. Shamsi, F. A. (1984). "The Date of Hijrah". Islamic Studies. 23 (3): 189–224. JSTOR 20847270.
    Shamsi, F. A. (1984). "The Date of Hijrah". Islamic Studies. 23 (4): 289–323. JSTOR 20847277.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.