Hexacorallia

Hexacorallia is ’n subklas van Anthozoa wat uit sowat 4 300 spesies waterorganismes bestaan wat as poliepe voorkom; hulle het gewoonlik tentakels in veelvoude van ses. Dit sluit al die steenkorale in, waarvan die meeste in kolonies voorkom en koraalriwwe vorm, sowel as al die seeanemone en soantiede, wat geklassifiseer word in ses bestaande ordes.[1]

Hexacorallia
Die steenkoraal Acropora latistella.
Wetenskaplike klassifikasie
Koninkryk:
Animalia
Filum:
Cnidaria
Klas:
Anthozoa
Subklas:
Hexacorallia
Ordes

Sien teks.

Filogenie

Hexacorallia word beskou as monofileties (met al sy spesies wat van ’n enkele voorsaat afstam); sommige meen egter baie van die huidige ordes is nie. Histories is Ceriantharia en Antipatharia beskou as aparte subklasse met die naam Ceriantipatharia, maar meer onlangse genetiese studies plaas hulle in Hexacorallia, met Ceriantharia as die oudste groep, of basale klade.[1] Daarvolgens is die bestaande ordes:[1]

 Hexacorallia 

Ceriantharia

Actiniaria

Antipatharia

Corallimorpharia

Scleractinia

Zoantharia




’n Paar uitgestorwe ordes is geëien uit hul fossiele kalsiumskelette. Daar word algemeen geglo hulle is nabye voorouers van die moderne Scleractinia en dat hulle in die Paleosoïese Era 541-242 miljoen jaar gelede voorgekom het:[2][3]

  • Numidiaphyllida †
  • Kilbuchophyllida †
  • Heterocorallia †
  • Rugosa †
  • Heliolitida †
  • Tabulata †
  • Cothoniida †
  • Tabuloconida †

Verwysings
  1. Daly, M.; Brugler, M.P.; Cartwright, P.; Collins, A.G.; Dawson, M.N.; Fautin, D.G.; France, S.C.; McFadden, C.S.; Opresko, D.M.; Rogriguez, E.; Romano, S.L.; Stake, J.L. (21 Julie 2007). "The phylum Cnidaria: A review of phylogenetic patterns and diversity 300 years after Linnaeus". Zootaxa. 1668: 1–766. ISSN 1175-5326.
  2. Oliver, W. A., Jr. (1996). "Origins and relationships of Paleozoic coral groups and the origin of the Scleractinia". In G. D. J. Stanley (red.). Paleobiology and Biology of Corals. Columbus, Ohio: The Paleontological Society. pp. 107–134.{{cite book}}: AS1-onderhoud: meer as een naam (link)
  3. Ben Kotrc (2005). "Anthozoa: Subgroups". Fossil Groups. University of Bristol. Besoek op 23 Maart 2009.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.