Henry Bartle Frere

Sir Henry Bartle Edward Frere (Wallis, 29 Maart 1815 – 29 Mei 1884) was 'n Britse goewerneur aan die Kaapkolonie.

Sir Henry Bartle Frere
Portret van Sir Henry Bartle Frere deur Sir George Reid.
Kommissaris van Sind
Ampstermyn 1851 – 1859
Monarg	Victoria
Voorafgegaan deur	Richard Keith Pringle
Opgevolg deur	Jonathan Duncan Inverarity
Goewerneur van Moembaai
Ampstermyn 1862 – 1867
Monarg	Victoria
Voorafgegaan deur	George Russell Clerk
Opgevolg deur	William Vesey-FitzGerald
Hoë Kommissaris vir Suider-Afrika
Ampstermyn 1877 – 1880
Monarg	Victoria
Voorafgegaan deur	Henry Barkly‎
Opgevolg deur	Henry Hugh Clifford (waarnemend)
Persoonlike besonderhede
Gebore	29 Maart 1815 Clydach, Monmouthshire, Wallis, Verenigde Koninkryk
Sterf	29 Mei 1884 Londen, Engeland, Verenigde Koninkryk
Alma mater	East India Company College

Hy word in 1834 aangestel in die Indiese staatsdiens en vertrek na Bombaai. In 1862 word hy aangestel as goewerneur van Bombaai en in 1867 word hy lid van die Raad vir Indië. In 1876 word hy tot ridder geslaan. In 1877 word hy spesiaal deur lord Carnarvon as goewerneur van die Kaapkolonie en hoë kommissaris in Suid-Afrika benoem om federasie van die Suid-Afrikaanse geweste tot stand te bring. Die volgende jaar kom hy in hewige botsing met die eerste minister van die Kaapkolonie, John Molteno, oor die grensoorlog, en ontbind sy ministerie. Gordon Sprigg stel 'n nuwe kabinet saam. Daarna vertrek Frere na Natal, waar sy ultimatum aan Cetshwayo die Anglo-Zoeloe-oorlog ontketen. In 1880 word hy as goewerneur teruggeroep en na Londen ontbied om aanklagte van wanbestuur in die gesig te staar. Hy sterf op 29 Mei 1884 en word in die St. Paulus-katedraal begrawe.

Die dorp Frere in KwaZulu-Natal, Mount Frere in die Oos-Kaap en die Frere-hospitaal in Oos-Londen[1] is na hom vernoem en Lady Frere, in dieselfde provinsie, na sy vrou.