Helena van Troje

Helena van Troje,[1][2][3] eintlik meer korrek Helena van Sparta (antieke Grieks: Ἑλένη Helénē), was in die Griekse mitologie die beeldskoonste vrou in die wêreld. Sy was volgens die meeste bronne die dogter van Zeus en Leda, en die suster van onder andere Klitemnestra, Kastor en Polluks en Foibe. Sy was getroud met koning Menelaos van Sparta.

Die liefde van Helena en Paris, deur Jacques-Louis David, 1788.)

Volgens tradisie het Afrodite haar aan Paris belowe nadat hy die godin ’n kompetisie laat wen het. Paris het haar toe ontvoer en na Troje geneem.

Haar verhaal is onder meer opgeteken is Homeros se Ilias en Odussee. Omdat baie mans om haar hand meegeding het, het haar pa hulle ’n eed laat aflê dat hulle haar huwelik sou verdedig, maak nie saak wie hy kies nie. Menelaos is toe gekies. Toe Paris Helena steel, het die eed veroorsaak dat die Achajers na Troje opgeruk het om haar te gaan haal en dit het gely tot die Trojaanse Oorlog.

Eindelik is Paris in die oorlog doodgemaak en volgens Homeros is Helena met Menelaos herenig.

Verwysings
  1. Galt, John, red. (1837). The Complete Works of Lord Byron. Paris: Baudry's European Library. p. 553.
  2. Lang, Andrew (1892). Helen of Troy. Library of Alexandria. pp. Title page. ISBN 9781465600868.
  3. Die naam is gewild gemaak deur die 1956-rolprent Helen of Troy deur Warner Bros.

Skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.