Hektaar

'n Hektaar is 'n meeteenheid van oppervlakte, gelyk aan 10 000 vierkante meter, wat veral gebruik word om grondgebied te meet. 'n Vierkant van een hektaar se sye is 100 meter lank (1 hektometer). Die naam hektaar kom van die Griekse voorsetsel hekto vir 100 en die eenheid aar. 'n Hektaar is 100 are of 'n vierkante hektometer. Die aar was die basiseenheid vir oppervlakte en was een van die oorspronklike vyf eenhede van die metrieke stelsel wat in 1795 deur die Franse opgestel is.[3]

**Vergelyking van oppervlakeenhede**
Eenheid	SI	SI-basis
1 ca	1 m²	1 m²
1 a	1 dam²	10² m²
1 ha	1 hm²	10⁴ m²
100 ha	1 km²	10⁶ m²
1 vierkante hektometer	1 hm²	10⁴ m²
Nie-SI-vergelykings
Nie-SI	Metriek	SI-basis
1,168 morg[1][2]	1 ha	10⁴ m²
2,471 akker	1 ha	10⁴ m²
107 639 vk. voet	1 ha	10⁴ m²
* 0,00386102 vk. myl (statuut)	1 ha	10⁴ m²
* 15 mū (China)	1 ha	10⁴ m²
* 0,15 qǐng (China)	1 ha	10⁴ m²
10 dunam (Midde-Ooste)	1 ha	10⁴ m²
10 stremmata (Griekeland)	1 ha	10⁴ m²
6.25 rai (Thailand)	1 ha	10⁴ m²
~1,008 chō (Japan)	1 ha	10⁴ m²

Definisie van 'n hektaar en van 'n aar.

Die oppervlakte van 'n rugbyveld is ongeveer een hektaar.

Nóg die aar nóg die hektaar vorm deel van die moderne SI-stelsel; die gebruik van hektaar word egter steeds toegelaat en die eenheid word presies gedefinieer deur basiseenhede in die SI-stelsel.

Simbool: ha

1 ha = 100 a = 1 hm² = 0,01 km² = 10 000 m² = 100 meter × 100 meter.

Die hektaar word algemeen gebruik in baie lande, veral gebiede wat grondbeplanning en -bestuur behels soos landbou, bosbou, en stadsbeplanning. Dit is veral nuttig waar vierkante meter omslagtig en onnodig presies sou wees. In die VSA en Kanada word die akker (acre) oor die algemeen steeds in soortgelyke gevalle gebruik.

Eksterne skakels

Amptelike SI webwerf: Tabel 6. Nie-SI-eenhede aanvaarbaar vir gebruik met die Internasionale Stelsel van Eenhede

Verwysings

Gamefarmnet, besoek op 29 April 2007
The South African Afrikaans / English Physics Dictionary Geargiveer 4 Maart 2016 op Wayback Machine, besoek op 29 April 2007
"La loi du 18 Germinal an 3 « la mesure [républicaine] de superficie pour les terrains, égale à un carré de dix mètres de côté »" (in Frans). Le CIV (Centre d'Instruction de Vilgénis) – Forum des Anciens. Geargiveer vanaf die oorspronklike op 6 Mei 2013. Besoek op 2 Maart 2010.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Gamefarmnet, besoek op 29 April 2007

[2] The South African Afrikaans / English Physics Dictionary Geargiveer 4 Maart 2016 op Wayback Machine, besoek op 29 April 2007

[3] "La loi du 18 Germinal an 3 « la mesure [républicaine] de superficie pour les terrains, égale à un carré de dix mètres de côté »" (in Frans). Le CIV (Centre d'Instruction de Vilgénis) – Forum des Anciens. Geargiveer vanaf die oorspronklike op 6 Mei 2013. Besoek op 2 Maart 2010.