Hausa (volk)

Hausa
	; 'n Hausa speel op 'n xalan, 'n fluitagtige instrument met twee snare.
Totale bevolking:	ca. 40 miljoen[1]
Belangrike bevolkings in:	Nigerië 28,5 miljoen[1]; Niger 8,9 miljoen[1]; Benin 1,1 miljoen[1]; Kameroen 353 000[1]; Tsjad 262 000[1]; Ghana 255 000[1]; Ivoorkus 124 000[1]; Soedan 109 000[1]; Sentraal-Afrikaanse Republiek 34 000[1]; Togo 19 000[1]; Ekwatoriaal-Guinee 16 000[1]; Gaboen 12 000[1]; Algerië 11 000[1]; Gambië 9 400[1]; DR Kongo 9 300[1]; Algerië 11 000[1]; Burkina Faso 2 700[1]
Taal:	Hausa (moedertaal) • Engels (gepraat deur Hausa in Ghana en Nigerië) • Frans (gepraat deur Hausa in Kameroen, Tsjad, Benin, Togo, Gaboen, Niger, Mali en Ivoorkus) • Arabies (gebruik as liturgiese taal en gepraat deur Hausa in Soedan en Tsjad) • Fula (tweede taal)
Geloofsoortuiging:	Islam
Verwante etniese groepe:	Maguzawa, Azna, Mawri, Gwandara, Ngezzim, Bole, Fula

Die Hausa (Hausa: Hausawa, letterlik: "Hausa-volk") is 'n etniese groep inheems aan Noord-Nigerië en Suid-Niger wat noord van beide die Niger- en Benueriviere leef. Die etniese groep omvat sowat 40 miljoen mense en hulle praat Hausa as moedertaal en Arabies, Engels, Frans of Fula as tweede taal. Dit is saam met die Igbo en die Joroeba een van die grootste etniese groepe in beide Nigerië en Wes-Afrika.[2]

Vlag van die Hausa

Verspreiding van die Hausa in Suid-Niger en Noord-Nigerië

Die Hausa vorm 'n diverse, maar kultureel homogene etniese groep wat hoofsaaklik in die streke van die Sahel en die Soedan voorkom. Behalwe Niger en Nigerië leef Hausa ook in lande soos Benin, Ghana, Ivoorkus, Kameroen, Soedan, Tsjad en Togo. Groot stede met 'n belangrike Hausa-bevolking sluit in Lagos, Port Harcourt, Accra, Abidjan, Banjul en Cotonou.

Die Hausa is 'n hoofsaaklik Islamitiese volk en beoefen tradisioneel handel en die makmaak van beeste. Hulle het oor eeue heen 'n belangrike rol in die Trans-Sahara-handel gespeel en langs tradisionele handelsroete gevestig. Tans speel die Hausa 'n belangrike rol in die politiek en kultuur van beide Niger en Nigerië. Veral in Niger is sommige presidente en premiers van Hausa-afkoms, waar hulle ook omtrent die helfde van dié land se bevolking vorm.

Verwysings

"Hausa" (in Engels). Joshuaproject.net. 2016. Geargiveer vanaf die oorspronklike op 5 Mei 2020. Besoek op 17 Februarie 2016.
(en) Williams, Lizzie (2008). Nigeria: The Bradt Travel Guide. Bradt Travel Guides. p. 32. ISBN 1-84162-239-7.

Eksterne skakels

Wikimedia Commons het meer media in die kategorie Hausa (volk).

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[Joshuaproject-1] "Hausa" (in Engels). Joshuaproject.net. 2016. Geargiveer vanaf die oorspronklike op 5 Mei 2020. Besoek op 17 Februarie 2016.

[2] (en) Williams, Lizzie (2008). Nigeria: The Bradt Travel Guide. Bradt Travel Guides. p. 32. ISBN 1-84162-239-7.