Harry Lawrence

Harry Gordon Lawrence (1901–1973) was ‘n Suid-Afrikaanse politikus.

Harry Lawrence
Minister van Binnelandse Sake
Ampstermyn 16 Januarie 1948 – 4 Junie 1948
Eerste minister	Jan Christian Smuts
Voorafgegaan deur	Charles Francis Clarkson
Opgevolg deur	Eben Dönges
Ampstermyn 6 September 1939 – 16 Augustus 1943
Eerste minister	Jan Christian Smuts
Voorafgegaan deur	Richard Stuttaford
Opgevolg deur	Charles Francis Clarkson
Minister van Justisie
Ampstermyn 1945 – Junie 1948
Eerste minister	Jan Christian Smuts
Voorafgegaan deur	Colin Steyn
Opgevolg deur	Charles Robberts Swart
Persoonlike besonderhede
Gebore	1901
Sterf	1973
Politieke party	Verenigde Party Progressiewe Party

Die parlementêre koukus van die Progressiewe Party in 1960 op die trap voor die parlement afgeneem. Voor: Walter Stanford, Harry Lawrence, Boris Wilson, Jan Steytler, Helen Suzman, Colin Eglin, Owen Williams. Agter: Ray Swart, Clive van Ryneveld, John Cope, Zach de Beer, Ronald Butcher.

Volksraadslede van die PP in 1960: Helen Suzman, Boris Wilson, Ray Swart, Clive van Ryneveld, Owen Townley Williams, Walter Stanford, Harry Lawrence, Zach de Beer, Jan Steytler, John Cope, Colin Eglin, Ron Butcher.

Hierdie beriggie het in 'n Suid-Afrikaanse koerant verskyn tydens pres. Carmona se besoek aan Suid-Afrika in 1939.

Hy was lid van die verligte vleuel van die Verenigde Party en die mees senior LV wat die party in 1959 verlaat het om die Progressiewe Party te stig.

Lawrence het in genl. Jan Smuts se kabinet gedien tot die Nasionale Party die bewind in Mei 1948 oorgeneem het. Hy was minister van binnelandse sake van 1939 tot 1943 en van Januarie tot Junie 1948 en minister van justisie van 1945 tot Junie 1948.

Sy milt is beseer toe Nasionaliste hom op ‘n politieke vergadering tydens die Tweede Wêreldoorlog aangeval het. Dit het hom daarna voortdurende pyn besorg, soos hy verduidelik het toe hy in 1959 die leierskap van die Progressiewe Party van die hand gewys het. Hy het wel die PP se eerste voorsitter geword.

In die algemene verkiesing van 18 Oktober 1961 het Lawrence en nog nege van die LV’s wat die PP begin het, hul setels verloor. Net Helen Suzman het die paal gehaal in Houghton. Hy het nooit weer teruggekeer na die Volksraad nie, maar het as tussentydse leier opgetree van Jan Steytler se bedanking einde 1970 tot Colin Eglin se verkiesing as partyleier in Februarie 1971.