Harry Bolus

Harry Bolus (28 April 1834 – 25 Mei 1911)[1] was 'n Suid-Afrikaanse plantkundige, botaniese kunstenaar, besigheidsman en filantroop. Hy het plantkunde in Suid-Afrika bevorder deur beurse daar te stel, die Bolus Herbarium daar te stel en het sy biblioteek en 'n groot gedeelte van sy fortuin aan die toe Suid-Afrikaanse Kollege, tans die Universiteit van Kaapstad, bemaak. Hy was aktief in wetenskaplike kringe, 'n genoot van die Linnean Society, 'n lid van en president van die South African Philosophical Society (later die Royal Society of South Africa), en het die "SA Medal and Grant" van die Southern Africa Association for the Advancement of Science en 'n eredoktoraat D.Sc. van die Universiteit van die Kaap die Goeie Hoop ontvang.

Harry Bolus
Gebore(1834-04-28)28 April 1834
Sterf25 Mei 1911 (op 77)
Beroepplantkundige, botaniese kunstenaar, sakeman

Bolus is in Nottingham, Engeland gebore. Hy het skoolopleiding ontvang aan Castle Gate School, Nottingham.

Hy het vele spesies in die genus Erica benaam. Sy jongste seun, Frank Bolus, was ook 'n plantkundige.

Die standaardafkorting Bolus word gebruik om hierdie persoon as die skrywer aan te dui wanneer 'n botaniese naam aangehaal word.

Sien ook

Verwysings
  1. Gunn, Mary; Codd, L. E. W. (1981). Botanical Exploration Southern Africa. CRC Press. p. 97. ISBN 978-0-86961-129-6.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.