Hammerfest

Hammerfest is 'n stad met 'n oppervlakte van 847 vierkante kilometer en 9 372 inwoners (2007) in die Noord-Noorse fylke (provinsie) Finnmark. Dit staan bekend as een van die wêreld se noordelikste stede en as die eerste nedersetting in Europa wat in 1891 elektriese straatbeligting gekry.

Hammerfest
Kaart	Wapen
	Ligging in Finnmark
Land	Noorweë
Provinsie (Fylke)	Finnmark
Koördinate	70° 40' N, 23° 41' O
Stadstatus	17 Junie 1789
Oppervlak:
- Totaal	847 vk km
Hoogte bo seevlak	- m
Bevolking:
- Totaal (1 Oktober 2007)	9 372
- Bevolkingsdigtheid	11/vk km
Tydsone	UTC +1 (MET)
Klimaat
- Tipe	Subpolêre klimaat
- Gemiddelde jaarlikse temperatuur	-
- Gem. temp. Januarie/Julie	-
- Gemiddelde jaarlikse neerslae	-
Burgemeester	Alf E. Jakobsen (Ap)
Amptelike Webwerf	hammerfest.kommune.no

Hammerfest is saam met sy susterstad Vardø die oudste stad in Noord-Noorweë en het op 17 Julie 1789 stadstatus gekry. Hammerfest het sy stigting aan die natuurlike seehawe in die gebied te danke en het ondanks sy afgeleë geografiese posisie al vroeg internasionale bande gehandhaaf. In 1852 is die eerste internasionale meting van die aarde se omtrek in Hammerfest voltooi.

Hammerfest se ekonomiese basis is vissery en akwakulture, handel, dienste, toerisme en maritieme nywerhede. Sy hawe beskik oor 'n belangrike houerterminaal en dien as die basis vir die Barentssee-visseryvloot. Hammerfest het daarnaas tot 'n beduidende sentrum van die aardgas- en oliebedryf in Noord-Noorweë ontwikkel. Vandag is Hammerfest 'n internasionaal gewilde toeristebestemming en word onder meer deur die redery Hurtigruten se passasierskepe met die res van Noorweë verbind. Hammerfest se lughawe is een van die besigste in die land.