Haar

In die mediese vakterminologie verwys haar (Latyn: "pilus") na 'n onvertakte draadvormige verhoringde uitgroeisel van die opperhuid.

1 = Haarskag
2 = Opperhuid (epidermis)
3 = Smeermiddel (talk)
4 = Smeerklier (talkklier)
5 = Haarsakkie

'n Menslike haar (die foto beslaan 'n reghoek van 600µm x 400µm)

'n Haarskag is die deel van die haar wat buite die vel uitsteek.

'n Haarsakkie is 'n instulping van die opperhuid waarin die haarwortel lê.

'n Haarpapil is die verheffing van die bodem van die haarsakkie.

'n Haarwortel is die deel van 'n haar wat in die haarsakkie lê.

Die haarkolf is die knol-vormige, verdikte onderste stuk van 'n haarwortel.