Growwevleigras

Die growwevleigras [1] (Eragrostis curvula (Schrad.) Nees) is 'n grasspesie wat inheems is aan Suid-Afrika en deur die hele land, behalwe in dele van die Noord-Kaap soos Namakwaland en Boesmanland, algemeen aangetref word. Op die SANBI-rooilys is dit as 'veilig' (LC) gelys. [2]

Growwevleigras
Growwevleigras in die VS
Wetenskaplike klassifikasie
Koninkryk:
Plantae
(geen rang):
Angiosperms
(geen rang):
Monocots
(geen rang):
Commelinids
Orde:
Poales
Familie:
Poaceae
Subfamilie:
Chloridoideae
Tribus:
Eragrostideae
Subtribus:
Eragrostidinae
Genus:
Eragrostis
Spesie:
Eragrostis curvula

(Schrad.) Nees

Dit is 'n meerjarige polgras met 'n wortelstok. Die blare is lank en blougroen. Die aartjies is klein olyfgroen en onopvallend. Die plant kan 1,2 m hoog word. Dit het verlengde afgeplatte stekeltjies wat 4 - 13 klein blommetjies bevat. Die spesie is in die Verenigde State ingevoer om in die suidweste erosie teen te staan en word in Florida, Georgia en Suid-Carolina as indringerspesie beskou.[3]

Virus

E. curvula is gasheer vir 'n plantvirusspesie wat eers in 2008 geïsoleer is, die Eragrostis curvula streak virus wat die nuwe genusnaam Eragrovirus gekry het. Dit behoort tot die Geminiviridae van die ssDNA-virusse.[4]

Fotogalery

Beweiding

Dit het 'n hoë weidingswaarde:

EIWSWIWLnregWIW
Weidingsindekswaarde[5] 76.73.47

Verwysings
  1. ook: oulandsgras, bergsoetgras, digsaad, renostergras, vleigras, soetgras. Die naam growwevleigras word ook vir knietjiesgras gebruik.
  2. "SANBI-rooilys" (in Engels). Geargiveer vanaf die oorspronklike op 2 Augustus 2016.
  3. invasive plants atlas.
  4. "uniprot.org" (in Engels). Geargiveer vanaf die oorspronklike op 27 Desember 2016.
  5. P C V du Toit Objektiewe weidingsindekswaardes van Nama-Karoo plantegroei: grasse en bossies van die Karoo.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.