Groot CfA2-muur

Die Groot Muur (ook genoem die Comamuur of die Groot CfA2-muur) is een van die heel grootste bekende strukture in die heelal. Dit is ’n filament van sterrestelsels sowat 200 miljoen ligjare van die Aarde af en is groter as 500 miljoen x 300 miljoen x 16 miljoen ligjare. Dit sluit die Hercules-, die Coma- en die Leo-superswerm in.[1]

Die Groot Muur bevat die Hercules-, Coma- en Leo-superswerms regs op dié kaart van die nabygeleë heelal.

Dit is in 1989 deur Margaret Geller en John Huchra ontdek gebaseer op rooiverskuiwingdata van die CfA-rooiverskuiwingopname.[2] Dit is nie bekend hoeveel groter die Groot Muur is nie omdat die gas en stof van die Melkweg (die Sone van Ondeursigtigheid) die uitsig versper. Die volume van die muur word geraam op sowat 9,46×1043 km3.

Sterrekundiges meen die heelal bestaan uit 'n paar sulke mure wat langs webagtige stringe donker materie vorm[3] met groot leemtes tussenin – die grootste van dié mure is die Groot Muur van Sloan, wat sowat 1,38 miljard ligjare lank is.

Sien ook
  • Sterrekundeportaal

Verwysings
  1. Heintzmann, H. (21 November 2006). "The Great Wall" (in Engels). Geargiveer vanaf die oorspronklike op 21 September 2013. Besoek op 31 Januarie 2012.
  2. Geller, Maragaret J.; Huchra, John P. (17 November 1989). "Mapping the Universe". Science. 246 (4932): 897–903. Bibcode:1989Sci...246..897G. doi:10.1126/science.246.4932.897. Besoek op 3 Mei 2011.
  3. Riordan, Michael; Schramm, David N. (1 Maart 1991). Shadows of Creation: Dark Matter and the Structure of the Universe. W H Freeman & Co (Sd). ISBN 0-7167-2157-0.

Eksterne skakels
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.