Groot Arcana
Die Groot Arcana is die tarotkaarte met name of nommers wat vir waarsêery gebruik word. Die name is deur okkultiste gegee aan tarotkaarte wat oorspronklik vir kaartspeletjies gebruik is.[1] Daar is gewoonlik 22 sulke kaarte in 'n standaardpak van 78 tarotkaarte, wat gewoonlik van 0 tot 21 gemerk is. (In pakke kaarte vir speletjies is daar nie 'n 0 nie; die ongenommerde kaart is die Dwaas. Dié naam word nie in speletjies gebruik nie.)
Voor die 17de eeu is tarotkaarte uitsluitlik vir kaartspeletjies en dobbel gebruik. Die Dwaas en 21 ander troefkaarte was bloot deel van 'n standaardpak.[2] Dié kaarte was permanente troefkaarte en word deur okkultiste van die ander kaarte, die sogenaamde Klein Arcana, onderskei.[3]
Die terme "Groot Arcana" en "Klein Arcana" word in okkultisme gebruik, en die waarsêery-elemente se oorsprong is Jean-Baptiste Pitois (1811-'77), wat onder die naam Paul Christian geskryf het.[4]
Lys van die Groot Arcana
Nes die vroeë Italiaanse pak kaarte waarop die waarsêerypakke geskoei is, is daar in elke Groot Arcanum 'n toneel, wat een of meer mense uitbeeld, met baie simboliese elemente. In baie pakke het hulle 'n nommer (gewoonlik in Romeinse syfers) en naam, hoewel alle pakke nie albei het nie; somme het net 'n prentjie. Elke tarotpak is verskillend en het 'n verskillende verbintenis in waarsêery, hoewel die simboliek meestal dieselfde bly.
Die vroeëre pakke wat net vir speetjies gebruik is, het ongenommerde prentjies op die troefkaarte gehad (waarskynlik omdat baie spelers destyds ongeletterd was) en die volgorde van die kaarte was nie gestandaardiseer nie.[5]
0. Die Dwaas: Vertroue en spel.
Die dwaas word gewoonlik voorgestel deur 'n jong man wat op 'n pad loop met al sy besittings in 'n sak. Die sak is aan 'n stok vas wat oor die skouer gedra word. Aan die dwaas se voete is gewoonlik 'n hond wat opgewonde langs hom blaf. Op baie prentjies stap die man na 'n afgrond.
1. Die Towenaar: Eie realiteit en visie.
Die towenaar word gewoonlik voorgestel deur 'n man wat in beheer is van al die elemente van die natuur: vuur, aarde, lug en water.
2. Die Hoëpriesteres: Intuïsie en insigte.
Die hoëpriesteres word gewoonlik voorgestel deur 'n vrou tussen twee pilare met 'n boek (of ander simbool van wysheid) in haar hande.
3. Die Keiserin: Oorvloed en kreatiwiteit.
Die keiserin word voorgestel as 'n vrou wat óf swanger is óf 'n kind versorg.
- Intuïsie:
4. Die Keiser: Mag en verantwoordelikheid.
Die keiser is gewoonlik 'n man met duidelike simbole van mag, soos 'n kroon.
5. Die Hoëpriester: Leer en onderrig.
Die opperpriester is 'n man wat omring is deur geestelike simbole en het soms ook 'n boek in sy hande waarin die waardes wat hy beskerm, neergeskryf is.
6. Verliefdes: Selfliefde en romanse.
Die verliefdes word gewoonlik voorgestel deur 'n man en vrou wat duidelik op mekaar verlief is. 'n Derde persoon word soms ingesluit wat die paartjie verbind aan mekaar of anders word 'n simbool soos Kupido gebruik om die liefdesverband tussen die twee te verteenwoordig.
7. Strydwa: Selfgerigtheid en ywer
Die strydwa word voorgestel as 'n man met 'n ridderharnas wat hom van kop tot toon beskerm. Hy staan gewoonlik op 'n tweewielstrydwa wat deur vier diere getrek word.
8. Krag: Volharding en oorwinning
Krag word voorgestel deur 'n vrou saam met 'n leeu. Verskeie maniere word gevind om aan te toon dat die vrou beheer uitoefen oor die leeu deur byvoorbeeld op die leeu te sit of anders om die leeu se bek oop te maak.
9. Kluisenaar: Innerlike wysheid en toepassing
Die kluisenaar is gewoonlik 'n man met 'n eenvoudige kleed wat stap met 'n kierie in die donker terwyl hy die pad met 'n lamp verlig.
10. Gelukswiel: Sikliese verandering en nuwe inisiatiewe
Die gelukswiel is gewoonlik 'n wiel met agt speke. Op die rand van die wiel word die letters ROTA geskryf. Gewoonlik is daar drie wesens wat op of af teen die wiel klim.
11. Geregtigheid: Gebalanseerde visie en regverdigheid
Geregtigheid of aanpassing word voorgestel deur 'n vrou wat 'n stel skale vashou.
12. Gehangde man: Perspektief en geduld
Die gehangde man word voorgestel deur 'n man wat aan sy voet onderstebo hang.
13. Dood: Natuurlike transformasie en/of eindpunt
Die dood word deur 'n grafsteen, doodskis of geraamte met sy sekel voorgestel.
14. Matigheid: Integrasie van geestelike waarhede
Matigheid word normaalweg voorgestel deur 'n vrou met twee bekers. Die bekers bevat verskillende vloeistowwe wat die vrou in die regte hoeveelhede vermeng word.
+ Waarheid
15. Duiwel: Slagoffer van omstandighede
Die duiwel word gewoonlik voorgestel deur 'n mens-dier wat 'n bokkop het, die lyf van 'n man maar hoewe eerder as voete. 'n Man en vrou is gewoonlik in kettings aan die voete van die duiwel vasgemaak.
16. Toring: 'n Dramatiese verandering of omskommeling
Die toring word voorgestel as 'n hoë gebou wat inmekaarstort. Gewoonlik tuimel 'n mens of twee uit die toring.
17. Ster: Waarheid en hoop
Die ster word gewoonlik voorgestel deur 'n jong vrou wat sit en water skep uit 'n poel.
18. Maan: Onbewuste en/of onvoorwaardelike liefde
Die maan word voorgestel deur 'n prent van 'n sekelmaan.
19. Son: Vreugde en uitlewing
Die son word gewoonlik voorgestel deur 'n prent waar die son sentraal staan tot die simboliek van die kaart.
20. Oordeel: Wonderwerke en skielike positiewe verandering
Oordeel word voorgestel deur 'n engel wat op 'n trompet blaas met 'n duidelike onderskeid tussen twee toestande, waarvan die een duidelik positief uitgebeeld word en die ander duidelik negatief.
21. Wêreld: Voltooiing en voleinding
Verwysings
- Decker, Ronald; Depaulis, Thierry; Dummett, Michael (5 Desember 1996). A Wicked Pack of Cards: Origins of the Occult Tarot (in Engels). Bloomsbury Academic. p. 38. ISBN 978-0-7156-2713-6.
- Michael Dummett. The Game of Tarot. Londen: Duckworth, 1980. ISBN 0715631225
- Decker, Ronald; Dummett, Michael (2002). A History of the Occult Tarot, 1870-1970 (in Engels). London: Duckworth. ISBN 978-0-7156-3122-5.
- Ronald Decker, Thierry Depaulis, and Michael Dummett. A Wicked Pack of Cards. The Origins of the Occult Tarot. New York. St. Martin's Press, 1996
- hamiltonparker (15 Junie 2012). "Getting Started with Reading the Tarot Cards for Yourself". Craig & Jane (in Engels (VSA)). Besoek op 10 April 2019.
Skakels
Wikimedia Commons het meer media in die kategorie Groot Arcana.
Hierdie artikel is in sy geheel of gedeeltelik uit die Engelse Wikipedia vertaal.
Normdata  |
|---|