Rosyntjiebos
Die rosyntjiebos (Grewia flava) is 'n struik of klein boompie wat wydverspreid in die bosveld regdeur die binneland van Suid-Afrika voorkom, behalwe die Wes- en Oos-Kaap en 'n groot deel van Zimbabwe. Die spesie is ook inheems in Angola, Botswana, Eswatini en Namibië.
| Rosyntjiebos | |
|---|---|
 | |
| Loof en blomme | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Malvales |
| Familie: | Malvaceae |
| Genus: | Grewia |
| Spesie: | G. flava |
| Binomiale naam | |
| Grewia flava DC., 1813 | |
| Sinonieme | |
| |
Beskrywing
Dit word ongeveer 2 m hoog en dra geel stervormige blomme en oranje-bruin vrugte wat van Februarie af begin ryp word. Die blare is regop met drie are uit die simmetriese basis en daar is silwerige hare aan die bo- en onderkant.
Ander name
Die struik staan ook as die fluweelrosyntjie(bos), wilderosyntjie, brandewynbessie of wilderosyntjie bekend. Ander inheemse name sluit in: moretla (Sotho) en brandy bush (Engels). Die boom se FSA-nommer is 459.1.[1]
Bronne
- Watter Boom is dit? Eugene Moll 2013 ISBN 978 1 77007 832 1
- Plants of the World Online
Eksterne skakels
Wikispecies het meer inligting verwant aan Rosyntjiebos
Wikimedia Commons het meer media in die kategorie Rosyntjiebos.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.