Grasveldgeletjie

'n Grasveldgeletjie (of small grass yellow en broad-bordered grass yellow soos dit in Engels bekend staan),[2] is 'n vlinder, Eurema brigitta, en behoort tot die familie van Witjie-skoenlappers (Pieridae).

Grasveldgeletjie
Wetenskaplike klassifikasie
Koninkryk:
Animalia
Filum:
Arthropoda
Klas:
Insecta
Orde:
Lepidoptera
Familie:
Pieridae
Genus:
Eurema
Spesie:
E. brigitta
Binomiale naam
Eurema brigitta
(Cramer, 1780)
Sinonieme
  • Papilio brigitta Stoll, [1780]
  • Maiva sulphurea Grose-Smith & Kirby, 1893
  • Xanthidia pulchella Boisduval, 1833
  • Terias drona Horsfield, [1829]
  • Terias senna C. & R. Felder, [1865]
  • Terias fruhstorferi Moore, 1906
  • Terias hainana Moore, 1878
  • Terias rubella Wallace, 1867
  • Papilio libythea Fabricius, 1798
  • Terias australis Wallace, 1867

Voorkoms

Vlerkspan: ongeveer 40 mm. Die Grasveldgeletjies is redelike klein skoenlappers, gekenmerk deur hul heldergeel vlerke en hul gewoonte om in groepe op kolle klam sand bymekaar te kom. Die onderkant van die vlerke is geel met yl bruin merke, en 'n roeskleurige rand. Die ruspe van hierdie spesie is groen, met 'n donkerder groen lyn op die rug en 'n witterige lyn langs elke kant, en word 3 cm lank.[3]

Verspreiding

Hierdie spesie kom algemeen voor in die Afrotropiese gebied en groot dele van Asië. Dit is al in feitlik alle Afrika-lande aangeteken, insluitend die meeste van die eilande, en het die vermoë om te migreer. Dit kom ook voor in Arabië en Australië.[3] In Tanzanië, is dit gedokumenteer vanaf seevlak tot 2400 m bo seevlak.[4]

Habitat

Volop in savanne en grasveld, oop kolle in woude, versteurde grashabitatte, plaasveld en langs paaie in woude. Albei geslagte besoek blomme en manetjies besoek modderplasse. Soms kom hulle in groepe voor op klam sand of nat herbivoormis. Gasheerplante vir larwes sluit Hypericum aethiopicu, Chamaecrista mimosoides, Sennaspesies, Sesbaniaspesies, Albiziaspesies, Acaciaspesies, en Tephrosiaspesies in.[4]

Sien ook

Verwysings
  1. "Eurema brigitta". IUBN-rooilys van Bedreigde Spesies. Weergawe 2016-3. Internasionale Unie vir die Bewaring van die Natuur. 2008. {{cite web}}: Ongeldige |ref=harv (hulp)
  2. "Animal Demography Unit – Virtual Museum: Atlas of African Lepidoptera" (in Engels). Geargiveer vanaf die oorspronklike op 16 Mei 2020. Besoek op 30 April 2016.
  3. "Coffs Harbour Butterfly House" (in Engels). Geargiveer vanaf die oorspronklike op 30 Oktober 2017. Besoek op 30 April 2016.
  4. "IUCN (International Union for Conservation of Nature) Species Programme" (in Engels). Geargiveer vanaf die oorspronklike op 18 September 2018. Besoek op 30 April 2016.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.