Gould-gordel

Die Gould-gordel is ’n gedeeltelike ring sterre in die Melkweg, sowat 3 000 ligjare breed, wat sowat 16 tot 20 grade skuins lê met die galaktiese vlak. Dit bevat baie klas O- en B-sterre, en kan die plaaslike spiraalarm verteenwoordig waarvan die Son deel is – die Son is sowat 325 ligjare van die arm se middel geleë. Die gordel is vermoedelik tussen 30 en 50 miljoen jaar oud en van ’n onbekende oorsprong. Dit is genoem na die Amerikaanse sterrekundige Benjamin Gould, wat dit in 1879 geïdentifiseer het.[1][2]

’n Donker wolk 1 000 ligjare weg in die sterrebeeld Arend, wat deel is van die Gould-gordel.

Die gordel bevat baie helder sterre in baie sterrebeelde, onder meer (min of meer in ’n oostelike rigting) Kefeus, Akkedis, Perseus, Jagter, Groot Hond, Agterdek, Seile, Kiel, Suiderkruis, Sentour, Wolf en Skerpioen. Die Melkweg beweeg ook deur die meeste van hierdie sterrebeelde, maar effens suidoos van die Wolf.

Volgens ’n teorie wat omstreeks 2009 voorgestel is, het die Gould-gordel sowat 30 miljoen jaar gelede gevorm toe ’n stuk donker materie met die molekulêre wolk in ons streek gebots het. Daar is ook bewyse van soortgelyke Gould-gordels in ander sterrestelsels.[3][4]

Verwysings

Sir Patrick Moore, red. (2002) [1987]. Astronomy Encyclopædia (Revised uitg.). Great Britain: Philip's. p. 164.
"The Gould Belt" (HTML). The GAIA Study Report (in Engels). Geargiveer vanaf die oorspronklike op 10 Januarie 2011. Besoek op 18 Julie 2006.
"Orion's dark secret: Violence shaped the night sky", New Scientist, 21 November 2009, pp. 42–5.
Bekki, Kenji (2009). "Dark impact and galactic star formation: origin of the Gould belt". Monthly Notices of the Royal Astronomical Society: Letters. 398 (1): L36–L40. arXiv:0906.5117. Bibcode:2009MNRAS.398L..36B. doi:10.1111/j.1745-3933.2009.00702.x. Geargiveer vanaf die oorspronklike op 8 Desember 2012. Besoek op 12 Oktober 2014.

Eksterne skakels

Die Aarde se posisie in die heelal Aarde Sonnestelsel Gould-gordel Orion-arm Melkweg Plaaslike Groep Virgo-SS Laniakea-SS Heelal

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Sir Patrick Moore, red. (2002) [1987]. Astronomy Encyclopædia (Revised uitg.). Great Britain: Philip's. p. 164.

[2] "The Gould Belt" (HTML). The GAIA Study Report (in Engels). Geargiveer vanaf die oorspronklike op 10 Januarie 2011. Besoek op 18 Julie 2006.

[3] "Orion's dark secret: Violence shaped the night sky", New Scientist, 21 November 2009, pp. 42–5.

[4] Bekki, Kenji (2009). "Dark impact and galactic star formation: origin of the Gould belt". Monthly Notices of the Royal Astronomical Society: Letters. 398 (1): L36–L40. arXiv:0906.5117. Bibcode:2009MNRAS.398L..36B. doi:10.1111/j.1745-3933.2009.00702.x. Geargiveer vanaf die oorspronklike op 8 Desember 2012. Besoek op 12 Oktober 2014.