Gondwanatheria

Die Gondwantheria is 'n uitgestorwe soogdierorde wat bekend is vanaf die laat-kryt tot die middel-eoseen van alle dele van die suidelike kontinent Gondwana, behalwe Australië en Nieu-Seeland.

Kladistiese ontleding deur Gurovich en Beck (2009) en Goin et al. (2012) plaas die groep in die Allothera as 'n sustergroep van die Multituberculata wat juis veral op die dele van die noordelike kontinent Laurasië aangetref word.[1] Maar die posisie van hierdie groep in in 2018 baie onduidelik. Huttenlocker et.al. oorweeg of hulle nie verwantes van die Haramiyida is nie. Dit sou hulle buite die Mammalia in die Mammaliaformes plaas.[2]

Hierdie groep is net sedert 1986 bekend en daar is nog min inligtings oor hulle.

Die orde bevat twee families:

  • Ferugliotheriidae - wat net bekend is van die laat-kryt van Argentinië
    • Ferugliotherius windhauseni Bonaparte 1986
    • Trapalcotherium matuastensis Rougier 2009
  • Sudamericidae - wat bekend is van Suid-Amerika, Antarktika, ?Afrika, Madagaskar en Indië
    • Gondwanatherium patagonicum - bo-kryt van Argentinië
    • Sudamerica ameghinoi - lae-paleoseen van Patagonië
    • Lavanify miolaka - Maastrichtian van Madakaskar
    • Bharattherium bonapartei - Maastrichtian van Indië
    • Grenodion sylvaticus - middel -eoseen van Patagonië
    • Daar is berigte oor Sudamericiede van die kryt van Tanzanië en die middel-eoseen van Antarktika, op die eiland Seymour.
    • Vintana sertichi van die Maastrichtian van Madagaskar

Behalwe Vintana bestaan alle fossiele net uit tande. Van Vintana is egter 'n skedel gevind wat beide primitiewe en afgeleide kenmerke vertoon. Die dier was ook taamlik groot vir 'n mesosoïese soogdier: dit was ongeveer 9 kg swaar en het 'n bietjie soos 'n marmot gelyk. [3][4]

Verwysings
  1. Omkar Verma et al. Journal of the Palaeontological Society of India 57(2), Desember 2012, 95-104.
  2. Late-surviving stem mammal links the lowermost Cretaceous of North America and Gondwana Adam K. Huttenlocker et.al. Nature Letter 2018
  3. Journal of Vertebrate Paleontology 34(s1):14-109. 2014, J.W. Krause et. alCraniofacial Morphology of Vintana sertichi (Mammalia, Gondwanatheria) from the Late Cretaceous of Madagascar.
  4. "National Geografic 2014" (in Engels). Geargiveer vanaf die oorspronklike op 7 Julie 2018.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.